جب کوئی  عورت کا   اپنے شہر یا علاقہ سے باہر سفر کا ارادہ کرے اور اڑتالیس میل (اٹھتر کلومیڑ) یا اس سے زیادہ مسافت  کا سفرہو تو   جب تک مردوں میں سے اپنا کوئی محرم  یا  شوہر ساتھ نہ  ہو اس وقت تک عورت کے لیےشرعاً  سفر کرنا  جائز نہیں ہے ،البتہ اگر مسافتِ سفر(اٹھترکلو میٹر) سے کم مقدار میں سفر کرنا ہو اور راستے یا منزل پر کسی قسم کے فتنے کا خوف نہ ہو، تو محرم کے بغیر بھی سفر کرنے کی گنجائش ہے۔

لہذاصورتِ مسئولہ کے مطابق اگر کوئی عورت تعلیم حاصل کرنے کے لیے شرعی مسافت سے کم فاصلے پر جانا چاہتی ہو، تو فتنہ و فساد کا  خوف نہ ہونے کی صورت میں  اکیلےیا دیگر خواتین کے ساتھ جا سکتی ہے۔تاہم کزن کے ساتھ جانے میں اگر خلوت کا اندیشہ ہو تو اس سے احتراز کرنا چاہیے۔

الخلوة بالاجنبية حرام.(ردالمحتارعلی الدرالمختار، كتاب الحظر والإباحة، فصل في النظر والمس،ج:6، ص:368)

لأن المحرم يشترط للسفر، وما دون ثلاثة أيام ليس بسفر فلا يشترط فيه المحرم كما لا يشترط للخروج من محلة إلى محلة.(بدائع الصنائع،كتاب الحج،فصل في شرائط  فرضيته،ج:3،ص:56)