واضح رہے کہ شریعت میں دعویٰ کرنے والے کو اپنے دعویٰ پر دو گواہ پیش کرنا لازم اور ضروری ہے۔ اگر مدعی (دعویٰ کرنے والا) اپنے دعویٰ پر گواہ پیش کرنے سے قاصر ہو تو مدعیٰ علیہ (جس پر دعویٰ کیا گیا ہو) سے قسم لی جائے گی۔ چنانچہ اگر وہ قسم کھا لے تو اس کی بات معتبر ہوگی۔

صورتِ مسئولہ کے مطابق قرض خواہ اس بات کا مدعی ہےکہ قرضدار نے مجھے جعلی نوٹ دیا ہے اب اس پرلازم ہے کہ اپنے دعویٰ پر دو معتبر گواہ پیش کرے۔ اگر اس کے پاس اس بات پر گواہ نہ ہو تو مقروض چونکہ مدعیٰ علیہ ہے، اس لیے اس پر قسم ہوگی وہ قسم کھا کر یہ کہےگا کہ میں نے کوئی ایک نوٹ بھی جعلی نہیں دیا ہے۔

و أما حجة المدعي و المدعى عليه، فالبينة حجة المدعي، و اليمين حجة المدعى عليه؛ لقوله عليه السلام: البنية على المدعي و اليمين على المدعى عليه جعل عليه السلام البينة حجة المدعي، و اليمين حجة المدعى عليه. (بدائع الصنائع،كتاب الدعوى،ج:8،ص:418،مكتبة: دار الكتب العلمية)