مہتمم مدرسہ کی حیثیت وکیل کی ہوتی ہے،لوگ مدرسہ اور طلبائے کرام کے نام پرجو صدقات و خیرات دیا کرتے ہیں تویہ اس کے پاس امانت ہوتاہے، اس لیے مدرسہ کے مہتمم اور منتظم کی یہ ذمہ داری ہے کہ اس کا باقاعدہ حساب رکھےاورمدرسہ کی رقم ضروریات مدرسہ میں ہی استعمال کرے اور اس میں خیانت سےبچے ۔تاہم استاذ اجیر خاص کے حکم میں ہوتاہے،جو متعین مدت میں اپنے آپ کومستاجر کو حوالہ کر کے اجرت کا مستحق ہوتاہے۔اس لیے مہتمم کی مالی بے احتیاطی کی وجہ سے مدرسہ میں تدریس کرنا ناجائز نہیں ہو جاتا۔

عن أنس رضي الله عنه قال: قلما خطبنارسول الله صلى الله عليه وسلم إلاقال:لاإيمان لمن لاأمانة له ولادين لمن لاعهدله. (مسنداحمد،رقم الحديث،12386،ج:19،ص:375)

والأجير الخاص الذي يستحق الأجرة بتسليم نفسه في المدة. (الهداية في شرح بداية المبتدي،کتاب الاجارۃ، ج:3،ص: 243)