واضح رہے کہ جو چیز وقف کی جاتی ہے، اس کو ان جگہوں میں خرچ کیا جائے گا، جن کو وقف کرنے والوں نے متعین کیا ہو، یا اس میں خرچ کرنے کی اجازت دی ہو، اور اجازت جس طرح صراحۃ ہوتی ہے، اسی طرح دلالۃ بھی ہوسکتی ہے۔

لہذا صورت مسئولہ کے مطابق چونکہ عام طور پر مسجد میں چندہ دینے والے مسجد کی ضروریات کے ساتھ دیگر معمولی نوعیت کے مصارف بھی ملحوظ رکھتے ہیں، گویا ان کی طرف سے اس کی دلالۃ اجازت ہوتی ہے، اس لیے ضرورت پڑنے پر مسجد کی بجلی سے موبائل فون چارج کروانے کی گنجائش ہوگی، تاہم اگر مسجد کے انتظامیہ والے اس سے صراحتامنع کرے تو پھر اس سے اجتناب ضروری ہوگا۔

والإذن دلالة بمنزلة الإذن إفصاحا كما في شرب ماء السقاية وكمن نصب القدر على الكانون وجعل فيه اللحم وأوقد النار تحته فجاء إنسان وطبخه لم يكن ضامنا لوجود الإذن دلالة. (المبسوط للسرخسي، کتاب الحج، ج:4، ص:160)

 قولهم: شرط الواقف كنص الشارع أي في المفهوم والدلالة ووجوب العمل به فيجب عليه خدمة وظيفته أو تركها لمن يعمل. (رد المحتار علی الدرالمختار، کتاب الوقف، ج:6، ص:649)