واضح رہے  کہ کسی کو نقد رقم کی ضرورت ہو اور اس ضرورت کو پورا کرنے کے لیے یہ طریقہ اختیار کیا جائے کہ ایک شخص اس سے کوئی چیز نقد رقم پر خرید لے اور پھر وہی چیز اس پر دوبارہ قسطوں پرزیادہ قیمت میں فروخت کرے اور مقصود اس چیز کی خرید و فروخت نہ ہو، بلکہ نقد رقم کے بدلے اضافہ لینا مقصود ہو تو اسے اصطلاح میں عکس عینہ کہتے ہیں جو کہ سود کے لیے حیلہ ہونے کی بنا پر ناجائز ہے۔

صورت مسئولہ کے مطابق سائل کا ایک چیز نقد پر فروخت کرنا اور پھر وہی چیز خریدار سے واپس زیادہ قیمت کے ساتھ قسطوں پر خریدنا جائز نہیں، اس طریقے کو ترک کرنا لازم اور ضروری ہے۔

فإن باع سلعة بنقد ثم اشتراها بأكثر منه نسيئة فقال أحمد في رواية حرب لا يجوز إلا أن تتغير السلعة لأن ذلك يتخذ وسيلة إلى الربا فهي كمسألة العينة. (الشرح الكبير على متن المقنع،كتاب البيع، ج:4، ص:46)

من الصور الممنوعة في حال وجود مواطأة أو عرف: بيع العين نقدًا ثم شراؤها بثمن أكثر مؤجل. (المعاییر الشرعية، رقم المعيار:58، ص:1359)

مستند تحريم المواطأة على إعادة الشراء بثمن مؤجل يزيد عن الثمن المعجل أن ذلك من العينة المحرمة شرعًا. (المعاییر الشرعية، رقم المعيار:58، ص:1375)