واضح رہے کہ سفر کے احکام کے سلسلے میں اپنے  وطن کی حدود سے نکلنا معتبر ہوگا۔ لہذا اگر کوئی شہری ہو تو شہر کے حدود سے اور اگر وہ گاؤں میں ہو تو گاوں کے حدود سے نکلنا معتبر ہوگا ۔

صورتِ مسئولہ  میں بیان کردہ تفصیل کے مطابق، اگر چہ  چند گاؤں کی آبادیاں ایک دوسرے سے ملی ہوئی ہوں تاہم اگر واقعی ان کے حدود الگ الگ متعین ہوں اور عرف میں بھی ہر ایک مستقل گاؤں شمار ہوتا ہو تو ایسی صورت میں احکام سفر کے اعتبار سے  صرف اپنے گاؤں سے نکلنا کافی ہوگا،اس سے متصل دوسر ےیا تیسرے گاؤں کی حدود سے نکلنا ضروری نہ ہوگا۔

(قوله من خرج من عمارة موضع إقامته) وأشار إلى أنه يشترط مفارقة ما كان من توابع موضع الإقامة كربض المصر وهو ما حول المدينة من بيوت ومساكن فإنه في حكم المصر.(ردالمحتار على الدرالمختار،كتاب الصلاة،باب صلاة المسافر،ج2،ص:121)