واضح رہے کہ سودا مکمل ہونے کے بعد خریدار اور بیچنے والے کا باہمی رضامندی سے سودا ختم کردینا شرعی اصطلاح میں’’اقالہ‘‘ کہلاتا ہے۔اقالہ میں ضروری ہے کہ جس قیمت پر سودا ہوا تھا، اسی قیمت پر چیز واپس کی جائے، اس سے کم یا زیادہ قیمت کی شرط لگانا درست نہیں۔ اگر ایسی شرط لگائی جائے تو وہ معتبر نہیں ہوتی اور اصل قیمت ہی واپس کرنا لازم ہوتا ہے۔

لہذا صورت مسئولہ کے مطابق اگر  فریقین کی باہمی رضامندی سے سودا  فسخ کردیا جائےتو ایڈوانس دی گئ رقم خریدار کو واپس کرنا ضروری  ہے،اور خریدار ایڈوانس رقم کے استعمال پر اضافی رقم  کامطالبہ نہیں کر سکتا۔

الإقالة جائزة في البيع بمثل الثمن الأول" لقوله عليه الصلاة والسلام: من أقال نادما بيعته أقال الله عثرته يوم القيامة" ولأن العقد حقهما فيملكان رفعه دفعا لحاجتهما فإن شرطا أكثر منه أو أقل فالشرط باطل ويرد مثل الثمن الأول.( الهداية،كتاب البيوع، باب الإقاله،ج:3،ص:55)