واضح رہے کہ رشوت دے کر ناجائزاورغلط طریقے سے اپنے مقصد کو حاصل کرنا یا کسی صاحب حق کا حق چھیننا ایک عظیم جرم اور سخت گناہ ہے لیکن اگر کوئی شخص کسی چیز کا حق دار ہواوررشوت کے بغیر اس کی وصولی ناممکن ہوتوایسی حالت میں کچھ رقم دے کر اپنے حق کو وصول کرنے کی گنجائش ہے، البتہ لینے والے کے حق میں یہ رشوت شمار ہوگا اور اس کے لئے لینا نا جائز اور حرام ہوگا ۔

صورت مسئولہ کے مطابق سائل کے لئے ضروری ہے کہ اپنی تنخواہوں کو پہلے رشوت کے بغیر حاصل کرنے کی ہر ممکن کوشش کرے لیکن اگر کوشش کے باوجود بھی رشوت کے بغیر تنخواہیں حاصل نہ ہوں تو اپنے حق کے حصول کے لئے رشوت دینے کی گنجائش ہوگی لیکن لینے والے کے لئے رشوت لینا بہر حال حرام ہوگا۔

وفي المصباح الرشوة بكسر الراء ما يعطيه الشخص للحاكم وغيره ليحكم له أو يحمله على مايريد.(البحرالرائق،کتاب القضاء، ج6،ص:440)

اذا دفع الرشوة خوفا على نفسه أو ماله، فهو حرام على الأخذ غير حرام على الدافع.(شرح المجلة لخالد الأتاسي،الكتاب السادس عشر في القضاء،ج:5،ص:40)

لا بأس بالرشوة إذا خاف على دينه، والنبي ﷺكان يعطي الشعراء ولمن يخاف لسانه... قال ابن عابدين :دفع المال للسلطان الجائر لدفع الظلم عن نفسه وماله ولاستخراج حق له.(ردالمحتار على الدر المختار،باب الاستبراء وغيره،ج:9،ص:607)