واضح رہے کہ کمپنی شرکت کی ایک جدید قسم ہے،اور شیئرز کمپنی کےاثاثوں میں شرکت کی نمائندگی کرتا ہے، اس لیے کسی کمپنی کے شیئرز خریدنا  اس کے حصے کو خریدنا ہے،اور شیئرز کی خرید وفروخت  جس طرح  اسٹاک مارکیٹ میں  جائز ہے، اسی طرح اس کے باہر بھی جائز ہے،لیکن اس کے آگے بیچنے کے لیے ضروری ہے کہ بائع اس پر قبضہ کرے، اور شیئرز پر قبضہ کی صورت یہ ہے کہ وہ خریدنے والے کے ضمان میں آجائے، اور کمپنی کے پاس خریدنے والے کے نام رجسٹرڈ ہو جائے۔

صورت مسئولہ کے مطابق اگر شیئرز کی بیع اسٹاک ایکسچینج کے باہر باہمی رضامندی سے ایجاب وقبول کے ذریعے کی جائے، تو یہ بیع صحیح شمار ہوگی، تاہم بائع کے لیے اس کا بیچنا اس وقت جائز ہوگا، جب وہ اس پر قبضہ کرے، یعنی شیئرز اس کے نام منتقل ہو جائے، محض تصرف کی اجازت دے دینے اور بروکر کے ذریعہ خرید و فروخت کر لینے سے شرعی قبضہ ثابت نہیں ہوگا،اور جو کمپنی ایسی ہوکہ اس کا اصل کاروبار تو حلال ہو، لیکن سودی قرضے میں ملوث ہو،  تو اس کے شیئرز خریدنے کے لیے شرط یہ ہے کہ اس کے خلاف کمپنی کے سالانہ اجلاس میں آواز اٹھائی جائے، اور منافع تقسیم ہونے کے بعد حساب لگا کر آمدنی کا جتنا حصہ سود سے حاصل ہو اس کو بلا نیت ثواب فقرا پر صدقہ کیا جائے۔

حدثنا عمرو بن شعيب قال: حدثني أبي، عن أبيه - حتى ذكر عبد الله بن عمرو أن رسول الله صلى الله عليه وسلم قال: لا يحل سلف وبيع، ولا شرطان في بيع، ولا ‌ربح ‌ما ‌لم ‌يضمن، ولا بيع ما ليس عندك.  (سنن  الترمذي، أبواب البيوع، رقم الحديث:1234، ج:2، ص:515)

قال ومن اشترى شيئا فلا يجوز له أن يبيعه قبل أن يقبضه ولا يوليه أحدا ولا يشرك فيه. (المبسوط للسرخسي، كتاب البيوع ، ج:13، ص:8)  

شركة المساهمة:وهذه الشركة جائزة شرعا؛ لأنها شركة عنان، لقيامها على أساس التراضي، وكون مجلس الإدارة متصرفا في أمور الشركة بالوكالة عن الشركاء المساهمين، ولا مانع من تعدد الشركاء.(الفقه الإسلامي وأدلته للزحيلي،ج:5،ص: 3975)

متى حصل تسليم المبيع صار المشتري قابضا له... تختلف كيفية التسليم باختلاف المبيع. (درر الحكام في شرح مجلة الأحكام، المادة:264،265، ج:1، ص:252)