واضح رہے کہ سرکاری ملازم اجیرِ خاص کے حکم میں ہوتا ہے، اور اجیرِ خاص وہ ہوتا ہے جو اپنے وقت کے بدلے اجرت کا مستحق ہوتا ہے، یعنی اگر وقت دے گا تو اجرت (تنخواہ) کا مستحق ہوگا، ورنہ نہیں۔ نیز اگر کوئی کسی شخص یا ادارے کا مال حرام طریقے سے کھائے تو اس پر لازم ہے کہ وہ مال متعلقہ شخص یا ادارے کو واپس کرے۔

صورتِ مسئولہ کے مطابق مذکورہ شخص نے جتنی مدت ڈیوٹی دیے بغیر تنخواہ کی حاصل کی ہے وہ اس کے لیے حلال نہیں۔ اس پر لازم ہے کہ وہ تمام رقم متعلقہ ادارے کو واپس کرے۔

(والثاني) وهو الأجير (الخاص) ويسمى أجير وحد (وهو من يعمل لواحد عملا مؤقتا بالتخصيص ويستحق الأجر بتسليم نفسه في المدة. (رد المحتار على الدرالمختار،كتاب الإجارة،ج:9،ص:94،مكتبة:دار الكتب العلمية بيروت)

والحاصل أنه إن علم أرباب الأموال وجب رده عليهم. (رد المحتار على الدرالمختار،كتاب البيوع،ج:7،ص:301،مكتبة:دار الكتب العلمية بيروت)