واضح رہے کہ رب المال اور مضارب میں سے ہر ایک کو عقد مضاربت فسخ کرنے کا حق حاصل ہوتا ہے۔ بشرط یہ کہ رأس المال عقد فسخ کرتے وقت نقدی کی صورت میں ہو، اگر عقد فسخ کرتے وقت رأس المال نقدی کی صورت میں موجود نہ ہو، بلکہ سامان کی صورت میں ہو تو پھر رأس المال نقدی ہونے تک مضارب کو اثاثہ فروخت کرنے کا موقع دیا جائے گا تاکہ نفع متعین ہوجائے جس پر عقد ہوا تھا۔ اور دونوں میں سے جو بھی عقد مضاربت کو ختم کرنا چاہے، وہ دوسرے کو اس کی اطلاع دے، تاکہ اسے فسخ کا علم ہو۔ 

لہذا صورت مسئولہ میں کریم نے احمد کو بطور مضاربت جو پیسے دیئے ہیں اور عقد مضاربت کیا ہے، پھر کریم ان دونوں معاہدات کو فسخ کرنا چاہتا ہے تو اگر راس المال نقدی کی صورت میں موجود نہ ہو، بلکہ سامان کی صورت میں ہو تو پھر رأس المال نقدی ہونے تک مضارب کو اثاثہ فروخت کرنے کا موقع دیا جائے گا جب رأس المال نقد ہو جائے تو تب عقد فسخ کیا جائے گا اور پھر فسخ  کرنے کے بعد نیا عقد شرعی اصولوں کے مطابق طے کرنے کا دونوں کو اختیار ہے۔

وأما صفة هذا العقد فهو أنه عقد غير لازم، ولكل واحد منهما أعني رب المال والمضارب الفسخ، لكن عند وجود شرطه، وهو علم صاحبه لما ذكرنا في كتاب الشركة، ويشترط أيضا أن يكون رأس المال عينا وقت الفسخ دراهم أو دنانير.(بدائع الصنائع، كتاب المضاربة، فصل في صفة عقد الضاربة، ج:6، ص:109)

المضاربة: مشتقة من الضرب في الأرض، سمي به، لأن المضارب يستحق الربح بسعيه وعمله، وهي مشروعة للحاجة إليها … قال: المضاربة عقد على الشركة بمال من أحد الجانبين، ومراده الشركة في الربح، وهو يستحق بالمال من أحد الجانبين، والعمل من الجانب الآخر، ولا مضاربة بدونها، ألا ترى أن الربح لو شرط كله لرب المال كان بضاعة، ولو شرط جميعه للمضارب كان قرضا. (الهداية، كتاب المضاربة، ج:3، ص:200)