واضح رہےکہ طلاق جن الفاظ سے واقع ہوتی ہے۔ ان کی دو قسمیں ہیں: پہلی قسم " صریحی الفاظ " ہیں  صریحی کا مطلب یہ ہے کہ ان الفاظ کا استعمال طلاق ہی کے معنی میں ہوتا  ہو ۔ ان صریحی الفاظ سے بغیر نیت کے طلاق   واقع ہو جاتی ہے ۔ بیوی  کو آزادكہنے کے الفاظ   بذات خود کنائی الفاظ ہیں لیکن اگر کسی علاقے  کے عرف میں لفظ ( آزاد ) بیوی کو طلاق دینے کے لئے ہی استعمال ہوتا ہو، تو یہ الفاظ صریحی کے حکم میں ہوگا، اور بغیر نیت کے  طلاق واقع ہوگی۔

لہذ ا صورت مسئولہ میں اگر واقعی  زید نے اپنی بیوی کو دو طلاقِ صریحی   کے بعد یہ کہا کہ" میں تمہیں آزاد کررہا ہوں اس رشتے سے"  تو اگر اس علاقے کے عرف میں" آزاد کر رہا ہوں "کے الفاظ طلاق ہی کے لئے استعمال ہوتے ہوں تو تیسری   طلاق واقع  ہو کر عورت مطلقہ مغلظہ ہوچکی ہے اور خاوند کے نکاح سے مکمل طور پر آزاد ہوگئی ہے ۔

 فالألفاظ التي يقع بها الطلاق في الشرع نوعان: صريح وكناية أما الصريح فهو اللفظ الذي لا يستعمل إلا في حل قيد النكاح۔ (بدائع الصنائع ، ج: 4، ص:216)

فإذا قال " رهاكردم " أي سرحتك يقع به الرجعي مع أن أصله كناية أيضا، وما ذاك إلا لأنه غلب في عرف الفرس استعماله في الطلاق وقد مر أن الصريح ما لم يستعمل إلا في الطلاق من أي لغة كانت، لكن لما غلب استعمال حلال الله في البائن عند العرب والفرس وقع به البائن ولولا ذلك لوقع به الرجعي.  (رد المحتار على الدر المختار، ج: 4،  ص: 530)

فما لا يستعمل فيها إلا في الطلاق فهو صريح يقع بلا نية۔  (رد المحتار على الدر المختار، ج: 4،  ص: 457)