سوال

 میں ایک نجی لائبریری میں مستقل ملازم ہوں اور میری بنیادی ذمہ داری کتابوں کی کلاسیفیکیشن ہے۔ کچھ عرصہ قبل ہماری لائبریری اور ایک دوسرے ادارے کے درمیان کتابوں اور مخطوطات کی ڈیجیٹل اسکیننگ کا ایک معاہدہ ہوا۔ اس مقصد کے لیے لائبریری انتظامیہ نے مجھے اور ایک دوسرے ملازم کو اس کام کی باقاعدہ تربیت دلوائی۔ جب یہ پروجیکٹ شروع کرنے کی تجویز دی گئی تو ہم نے انتظامیہ سے عرض کیا کہ چونکہ یہ ایک نیا، اضافی اور تکنیکی نوعیت کا کام ہے، لہٰذا اس کے لیے مناسب معاوضہ مقرر کیا جائے، خواہ مارکیٹ ریٹ کے مطابق ہو  یا دوسرے ادارے کی طرف سے دی جانے والی رقم کی صورت میں۔ اس پر ہمارے شعبے کے سربراہ نے واضح طور پر یہ کہا کہ ادارہ اپنی طرف سے کوئی اضافی ادائیگی نہیں کر سکتا، البتہ دوسرے ادارے سے اس پروجیکٹ کے لیے جو رقم موصول ہوگی وہ مکمل طور پر تم دونوں ملازمین کو دے دی جائے گی۔ ہم نے اسی یقین دہانی اور وعدے کی بنیاد پر یہ کام قبول کیا، تربیت حاصل کی اور پوری ذمہ داری کے ساتھ انجام دیا۔ بعد ازاں ہماری روزانہ کی 8 گھنٹے کی ڈیوٹی کو اس طرح تقسیم کیا گیا کہ 4 گھنٹے ہم اپنا اصل کام کرتے اور 4 گھنٹے اسکیننگ کے اس اضافی اور تکنیکی کام پر صرف کرتے۔ یہ تمام کام مقررہ اوقاتِ کار کے اندر انجام دیا جاتا رہا۔ اب اس پروجیکٹ کی رقم ادارے کو موصول ہو چکی ہے۔ شعبے کے سربراہ نے وعدے کے مطابق اس رقم کی ادائیگی کے لیے فائل اعلیٰ انتظامیہ کو بھیجی، لیکن انتظامیہ نے اس کی منظوری  سے انکار کر دیا ہے۔ درج ذیل سوالات کے بارے میں شرعی رہنمائی مطلوب ہے: 1۔ کیا ہم اس پروجیکٹ کی رقم کے شرعاً حقدار ہیں، جبکہ ہم نے یہ کام مذکورہ وعدے اور یقین دہانی کی بنیاد پر قبول کیا تھا؟ 2۔ کیا ادارے کے ذمہ دار کی جانب سے کیا گیا یہ وعدہ شرعاً قابلِ اعتبار ہے؟ 3۔ اگر وعدے کے مطابق رقم ادا نہ کی جائے تو کیا یہ وعدہ خلافی یا حق تلفی شمار ہوگی؟ 4۔ اس صورت میں شرعی طور پر ہمارا حق اور ذمہ داری کیا ہے؟

جواب

---

---