واضح رہے کہ اگر كوئی شخص اپنی بیوی کی طلاق کو مستقبل کے کسی کام پر معلق کرے تو اس کام کے ہونے پر اس کی بیوی پر طلاق واقع ہوجاتی ہے۔

صورت مسئولہ میں چونکہ  عمر نے کہا ہے کہ "مجھ پر تین طلاق ہے کہ پہلے آپ کی بیٹی کی شادی میرے بیٹے سے ہوگی اس کے بعد میں میری بیٹی کی شادی آپ کے بیٹے سے ہوگی" تواب اگر دونوں کی شادی ایک ساتھ ہوجائے یا پہلے عمر کی بیٹی کی شادی ہوجائے تو شرط پوری ہونے کی وجہ سے عمر کی بیوی تین طلاقوں کے ساتھ مطلقہ ہوگی۔

اسی طرح زید نے بھی کہا ہے کہ "مجھ پر تین طلاق ہے کہ میری اور آپ کی بیٹی کی شادیاں ایک ساتھ ہوں گی" تو اب اگر ایک ساتھ شادی نہ ہوئی بلکہ کسی ایک کی پہلے ہوگئی تو زید کی بیوی تین طلاقوں کے ساتھ مطلقہ ہوگی۔

طلاق سے بچنے کی صورت یہ ہے کہ  عمر اپنی بیوی کو ایک طلاق بائن دے اور پھر عدت گزرنے تک انتظار کرے پھر جب عدت ختم ہو جائے تو دونوں شادیاں ایک ساتھ کروائی جائیں اس صورت میں چونکہ عمر کے نکاح میں بیوی نہ ہوگی اس لیے اس کی شرط ختم ہو جائے گی اورتین طلاقیں واقع نہ ہوں گی۔ اس کے بعد تجدید نکاح کر لے۔

فحيلة من علق الثلاث بدخول الدار أن يطلقها واحدة ثم بعد العدة تدخلها فتنحل اليمين فينكحها. (الدر المختار شرح تنویر الأبصار،كتاب الطلاق، ص: 221)

وإذا أضافه إلى شرط ‌وقع ‌عقيب ‌الشرط مثل أن يقول لامرأته إن دخلت الدار فأنت طالق. (الهداية، باب الأيمان في الطلاق، ج:1، ص:244)