واضح رہے کہ محرم الحرام یا کسی بھی دوسرے مہینے میں کالے کپڑے پہننا اور ان کی خرید و فروخت کرنا فی نفسہ جائز ہے۔ البتہ، جہاں محرم کے مہینے میں سیاہ لباس پہننا روافض کا شعار (نشانی) بن چکا ہو، وہاں ان مخصوص ایام میں اس کے استعمال سے احتراز لازم ہے تاکہ ان سے مشابہت لازم نہ آئے۔نیزاہلِ تشیع کی طرف سے بنائی گئی سبیلوں کا شربت اگر غیر اللہ کے نام پر تیار کیا گیا ہو تو اس کا پینا حرام ہےاور اگر رسما تیارکیا گیاہو تو اس میں قباحت ہے،اس لیے اس کے پینے سے اجتناب کرنا چاہیے۔

قال اللہ تعالی: ﴿حُرِّمَتْ عَلَيْكُمُ الْمَيْتَةُ وَالدَّمُ وَلَحْمُ الْخِنْزِيرِ وَمَا أُهِلَّ لِغَيْرِ اللَّهِ بِهِ﴾(سورۃ المائدۃ:3)

عن عائشة، قالت: «خرج النبي صلى الله عليه وسلم ذات غداة وعليه مرط من شعر أسود.( سنن الترمذي، باب ما جاء في الثوب الأسود،ج:5،ح:2813،ص:119)

عن ابن عمر قال: قال رسول الله صلى الله عليه وسلم: «من تشبه بقوم فهو منهم.»( سنن أبي داود، كتاب اللباس، باب: في لبس الشهرة،ج:4،ح:4031،ص:78)