واضح رہے کہ اپنے اوپر کسی غیر لازم کام کو لازم کرنے کا نام نذر ہے۔ نذر ماننے کے بعد اس کا پورا کرنا ضروری ہوتا ہے۔ تاہم اگر کوئی  شخص کسی کام کے  کرنے پر روزے رکھنے کی  نذر معلق کرے اور اس کام کے ہونے کے بعد اس کو پورا کرنے سے عاجز ہو جائے تو ایسی صورت میں ہر روزہ کے بدلے فدیہ لازم ہوتا ہے۔

صورتِ مسئولہ میں سائل کے والد صاحب کا یہ کہنا نذر ہے کہ'' اگر میرے بیٹے کو سر کاری ملازمت ملی تو میں ایک مہینہ روزے رکھوںگا '' لہذا اس بیٹے کو اگر ملازمت مل گئی ہو تو نذر پوری کرنے کے لیے اایک ماہ روزے رکھنا لازم ہوگا البتہ  اگر سائل کا والد صاحب واقعی کمزوری  یا بیماری کے باعث روزے  رکھنے کی قدرت نہ رکھتا ہو اور نہ آئندہ روزے رکھنے کی امید ہو تو ایسی صورت میں ہر روزہ کے بدلے فدیہ ادا کرنا لازم ہوگا، جس کی  مقدارایک صدقہ فطر ہے لیکن اگرغربت کی وجہ سے فدیہ ادا کرنے پر قادر نہ ہو تو پھر اللہ تعالی سے بخشش مانگے، امید ہے کہ اللہ تعالی اس کو معاف کرے گا۔

إذا قال إن فعلت كذا فعلي حجة أو صوم سنة أو صدقة ما أملكه أجزأه من ذلك كفارة يمين …بخلاف ما إذا كان شرطا يريد كونه كقوله إن شفى الله مريضي لانعدام معنى اليمين فيه وهو المنع وهذا التفصيل هو الصحيح.(الهداية في شرح بداية المبتدي، كتاب الأيمان، ج:2، ص:321)

ولو أخر القضاء حتى صار شيخا فانيا أو كان النذر بصيام الأبد فعجز لذلك أو باشتغاله بالمعيشة لكون صناعته شاقة فله أن يفطر ويطعم لكل يوم مسكينا على ما تقدم، وإن لم يقدر على ذلك لعسرته يستغفر الله إنه هو الغفور الرحيم.( الفتاوى الهندية، كتاب الصوم، ج:1، ص:209)