واضح رہے کہ عقد اجارہ میں منفعت اور اجرت کا متعین ہونا لازم ہے، اگر اجرت اور منفعت مجہول ہو، تو اس سے اجارہ فاسد ہو جاتا ہے۔  

سوال  میں مذكور ه صورت كے اندر  چونکہ منفعت (پانی دینا)بھی مجہول ہے کیونکہ یہ معلوم نہیں کہ سال کے آخر تک کتنی بار پانی دینا پڑے گا، اور اجرت بھی مجہول ہے، اس لیے یہ صورت ناجائز ہے، چاہے پانچوا ں حصہ مقرر ہو یا چوتھائی حصہ، البتہ گھنٹہ کے حساب سے  اگر پانی دیا جائے اور اس کی اجرت متعین ہو، مثلا یہ کہ فی گھنٹہ 500 روپے مقرر ہوں، تو اس صورت میں عقد  جائز ہوگا۔

(كون الأجرة معلومة) يشترط لصحة الإجارة أي عدم فسادها أولا أن تكون الأجرة معلومة تماما قدرا ونوعا.(يشترط في الإجارة كون المنفعة معلومة بوجه يكون مانعا للمنازعة) أي أنه يشترط في الإجارة أي في صحتها، أولا: أن تكون المنفعة معلومة بوجه يكون مانعا للمنازعة. (دررالحكام شرح مجلة الأحكام، المادة:450،451، ج:1، ص:504)