واضح رہے کہ مختلف ملکوں کی کرنسیوں کا باہم تبادلہ  چونکہ دو مختلف اجناس کا تبادلہ ہے، اس لیے اس میں کمی بیشی اور ادھار کی گنجائش ہے، بشرطیکہ عقد کے وقت دونوں کرنسیوں کی مقدار متعین کر دی جائے تاکہ نزاع کا اندیشہ نہ رہے۔ نیز مجلس عقد میں دونوں کرنسیوں میں سے کم از کم ایک پر قبضہ ہونا بھی ضروری ہے، تاکہ معاملہ ادھار کے بدلے ادھار نہ بن جائے۔

 صورت مسئولہ میں اگر ایک شخص دوسرے شخص کو سات سو درہم فروخت کرے اور عقد کے وقت یہ طے ہوجائے  کہ سات سو درہم ابھی خریدار کے حوالے کر دیے جائیں گے اور عقد کے وقت پاکستانی کرنسی کی مقدار  اور ادائیگی کی تاریخ متعین کر دی گئی ہو اور مجلس عقد میں دراہم پر قبضہ بھی ہو گیا ہو تو یہ معاملہ جائز ہوگا۔

عن ابن عمر ، أن النبي صلى الله عليه وسلم نهى عن بيع الكالئ بالكالئ.(سنن الدارقطني، كتاب البيوع، ج:4، ص:40)

(باع فلوسا بمثلها أو بدراهم أو بدنانير فإن نقد أحدهما جاز) وإن تفرقا بلا قبض أحدهما لم يجز. (رد المحتار على الدر المختار، كتاب البيوع، باب الربا، ج:5، ص:179)

وإذا عدم الوصفان الجنس والمعنى المضموم إليه حل التفاضل والنساء؛ لعدم العلة المحرمة.( الهداية، كتاب البيوع، باب الربا، ج:3، ص:61)

البيع مع تأجيل الثمن و تقسيطيه صحيح … يلزم ان تكون المدة معلومة فى البيع بالتأجيل والتقسيط أي أنه يلزم أن يكون الاجل معلوم الوقت عند كلا العاقدين، لأن جهالة تقضي الى النزاع. (شرح المجلة لسلیم رستم باز، كتاب البيوع، الفصل الثاني،المادة:246،245 ص:124، 125)