واضح رہے کہ کوئی بھی چیز، نقد کے مقابلے میں ادھار  زائد قیمت کے ساتھ فروخت کرنا جائز ہے، بشرطیکہ  مجلس عقد میں عاقدین کی رضامندی سے  قیمت  اور ادائیگی طے ہوجائے اور معاملہ مبہم نہ رہے۔ نیز یہ بھی واضح رہے کہ اگر کوئی شخص   کسی دوسرے شخص کو یہ کہہ دےکہ’’تم مال خرید لو پھر میں  تم سے خرید لوں گا‘‘  تو اس کی حیثیت صرف وعدہ کی ہوگی لہٰذا دوسرے شخص کے مال خریدنے کے بعد نہ تو پہلا شخص   اسے پابند کرسکتا ہے کہ یہ مال مجھے ہی  بیچو،  نہ دوسرا شخص پہلے کو خریدنے پر مجبور کرسکتا ہے البتہ باہمی رضامندی سے بعد میں   معاملہ طے کرنا چاہیں تو کرسکتے ہیں بشرطیکہ   پہلے شخص (مشتری اول ) نےخریدی ہوئی چیز پر    خود  یا بذریعہ  وکیل   قبضہ کیاہو۔  

  صورت مسئولہ  میں  جب انعام اللہ  نےزید  کے لئے تیس لاکھ روپے پر ڈیزل نقد ریٹ (32,000 روپے فی ڈرم) کے حساب سے خریدا اور پھر کشتی میں موجود ایک شخص کو زید کی طرف سے وکیل بالقبض مقرر کیا، او ر اس کو ڈیزل  کے ڈرم حوالہ کئے پھر انعام اللہ نے( 33500 فی ڈرم  ) کے حساب سے وہ تیل خود خرید لیا تو یہ معاملہ جائز نہیں کیونکہ "وکیل بالقبض" انعام اللہ نے مقرر کیا تھا جب کہ وہ زید کو مقرر کرنا چاہیئے تھا،نیز اس کے بعد   انعام اللہ نے  زید  یا اس کے وکیل کے ساتھ ایجاب وقبول نہیں کیا بلکہ خود ہی خریدار بھی  بنا اور فروخت کنندہ بھی اس لیے یہ معاملہ جائز نہیں۔ البتہ  اس کی جائز صورت یہ ہے  کہ  جب انعام اللہ زید کے لئے ڈیزل خرید لے تو پہلے زید کو  کو یا اس کے مقرر کردہ  وکیل کو    حوالہ کردےاس کے بعد  انعام اللہ زید کے ساتھ    یا اس کے مقرر کردہ  وکیل کے ساتھ ایجاب وقبول کر کے مستقل معاملہ کرے۔

 لأن البيع عقد معاوضة لا ينعقد إلا بإيجاب وقبول۔(المبسوط  للسرخسي، 6/ 181)

 وإذا عقد العقد على أنه إلى أجل كذا بكذا وبالنقد بكذا أو قال إلى شهر بكذا أو إلى شهرين بكذا فهو فاسد؛ لأنه لم يعاطه على ثمن معلوم ولنهي النبي صلى الله عليه وسلم عن شرطين في بيع وهذا هو تفسير الشرطين في بيع ومطلق النهي يوجب الفساد في العقود الشرعية وهذا إذا افترقا على هذا فإن كان يتراضيان بينهما ولم يتفرقا حتى قاطعه على ثمن معلوم، وأتما العقد عليه فهو جائز؛ لأنهما ما افترقا إلا بعد تمام شرط صحة العقد۔ (المبسوط للسرخسي  13/ 8)

 لأن بيع المنقول قبل القبض لا يجوز۔( تحفة الفقهاء، 2/ 111)

لأن قبض الوكيل بمنزلة قبض الموكل من حيث إن الوكيل في القبض عامل للموكل. المحيط البرهاني ، 7/ 204)

وصح بثمن حال وهو الاصل ومؤجل الي معلوم لئلا يفضى الي النزاع وقال إبن عابدين تحته: قوله (لئلا يفضى الي النزاع) تعليل لاشتراط كون الاجل معلوما لان علمه لا يفضى الى النزاع واما مفهوم الشرط المذكور وهو انه لايصح اذا كان الأجل مجهولا فعلته كونه يفضى الى النزاع فافهم۔( ردالمحتار على الدر المختار ،7/139)