واضح رہے کہ پیداوار میں  عشر اور  نصف عشر کے وجوب کا تعلق اس کے سیراب کرنے والے پانی کے ساتھ ہے، اگر زمین بارانی اور نہری پانی سے سیراب کی جاتی ہو، تو اس میں عشر واجب ہوتاہے، اور اگر کنویں، ٹیوب ویل وغیرہ سے سیراب کی جاتی ہو،تو اس میں نصف عشر واجب ہوتا ہے۔

صورت مسئولہ کے مطابق جب مذکورہ زمین ٹیوب ویل کے ذریعے سیراب کی جاتی ہے، اور پانی لگانے والے  کی اجرت ادا کرنی پڑتی ہے،تو اس کی پیداوار میں  نصف عشر یعنی 5 فیصد لازم ہوگا۔

(يجب) العشر...(و) تجب في (مسقي سماء) أي مطر (وسيح) كنهر(و) يجب (نصفه في مسقي غرب) أي دلو كبير (ودالية) أي دولاب لكثرة المؤنة. (رد المحتار علی الدرالمختار، کتاب الزکوۃ، ج:3، ص:265)