واضح رہے کہ  جب شوہر بیوی کی طرف نسبت کرکے طلاق کے  الفاظ بول دے ،تو اس کے ساتھ بیوی پر طلاق واقع ہوجاتی ہے اگر چہ بیوی اس موقع پر حاضر نہ ہو ،بیوی کا سامنے ہونا طلاق کے لیے شرط نہیں ہے ،تین طلاق دینے کے بعد عورت  مغلظہ بن جاتی ہے اور اپنے سابقہ شوہر کے ساتھ اس صورت پر  دوبارہ زندگی استوار کرسکتی ہے  ،کہ  و ہ عورت  عدت گزارنے کے بعد کسی اور کے ساتھ شادی کرلے ،اوروہ اس سے ہمبستری بھی کرے  پھر وہ شخص مرجائے یا اس کو طلاق دیدے،تو عدت گزرنے کے بعد یہ عورت اپنے سابقہ شوہر کے ساتھ دوبارہ نکاح کرسکتی ہے ، نیز طلاق اگر حمل کے دوران دی جائے تو  عورت کی عدت وضع حمل ہوگی ،جب عورت بچہ جنے تو عدت ختم ہوجائے گی ،چاہے جتنے بھی دن گزرے ہوں، وضع حمل کے بعد اگر یہ عورت کہیں اور نکاح کرنا چاہے تو کرسکتی ہے۔

صورت مسئولہ کے مطابق اگر  اس شخص کو اس دوسری لڑکی نےگھڑی دی تھی اور اس نے جھوٹ بول کر یہ کہا  کہ: اگر فلاں لڑکی نے مجھے یہ گھڑی دی ہو،تو مجھ پر اپنی بیوی تین طلاق" تو اس کے ساتھ اس کی بیوی پر تین طلاقیں واقع ہوگئی تھیں،چاہے بیوی اس وقت موجود نہ بھی تھی ،نیز  طلاق کے دوران عورت چونکہ حاملہ تھی اس وجہ سےعدت وضع حمل تھی اور وضع حمل کے ساتھ اس کی عدت پوری ہوگئی ،اس کے بعداگرحسب بیان  شوہر کو معلوم تھا کہ اب یہ میری بیوی نہیں رہی اور پھر بھی وہ اس کے ساتھ ملتا اور ہمبستری کرتا  رہا ،تو اس کا یہ عمل  زنا شمار ہوکر حرام اور ناجائز   تھا اس پر توبہ اور استغفار کرنا چاہیے ،لیکن اس کی وجہ سے عورت کی عدت پر کوئی اثر نہیں پڑا ،کیونکہ اس کی عدت  وضع حمل کے ساتھ ختم ہوچکی تھی اور زنا کی وجہ سے  عدت لازم نہیں ہوتی  ، اس لیے وہ عورت  دوسری جگہ شادی کرنے میں آزاد تھی ،پس جب  وضع حمل کے بعد دوسرے آدمی سے  نکاح کیا اور ہمبستری بھی کی ،تو وہ  درست تھا ،اور پھر اس کے طلاق دینے اور عدت گزرنے کے بعد سابقہ شوہر کا دوبارہ نکاح بھی جائز اور درست ہے ۔

قال الله تعالى: ﴿ فَإِنْ طَلَّقَهَا فَلَا تَحِلُّ لَهُ مِنْ بَعْدُ حَتَّى تَنْكِحَ زَوْجًا غَيْرَهُ﴾ (البقرة: 230)

و قال: ﴿وَأُولَاتُ الْأَحْمَالِ أَجَلُهُنَّ أَنْ يَضَعْنَ حَمْلَهُنَّ﴾ (الطلاق: 4)

ولكن لا بد في وقوعه قضاء وديانة ‌من ‌قصد ‌إضافة لفظ الطلاق إليها عالما بمعناه.(ردالمحتار على الدرالمختار،كتاب الطلاق،باب صريح الطلاق،ج:3،ص:250)

(إذا ‌أضاف الطلاق إليها) كأنت طالق...(وقع)قال العلامة ابن عابدینؒ(قوله كأنت طالق) وكذا لو أتى بالضمير الغائب أو اسم الإشارة العائد إليها أو باسمها العلمي ونحو ذلك. (ردالمحتار،کتاب الطلاق،باب الصریح،مطلب فی قولہ:علي الطلاق من ذراعی،جلد 4،ص،471،469)

لأن ‌الزوج ‌ينفرد بإيقاع الطلاق الثلاث، ولا يتوقف ذلك على علم المرأة.)المحيط البرهاني في الفقه النعماني،كتاب العتاق،الفصل السابع في الخصومات أربعة۔۔۔ج:4،ص:237)

(‌وحل ‌طلاقهن) ‌أي ‌الآيسة ‌والصغيرة ‌والحامل.(دررالحكام شرح غرر الأحكام،كتاب الطلاق،ج:1،ص:359)

لا تجب العدة على الزانية وهذا قول أبي حنيفة ومحمد رحمهما الله تعالى كذا في شرح الطحاوي.(الفتاوى الهندية،كتاب الطلاق،باب العدة،ج:1،ص:526)