شریعتِ مطہرہ کی رو سے صریح الفاظ کی طرح کنائی الفاظ سے بھی طلاق واقع ہوجاتی ہے، بشرطیکہ شوہر نے کنائی  الفاظ سے طلاق کی نیت کی ہو، یا غصے کی حالت میں یہ الفاظ کہے ہوں، یا مذاکرۂ طلاق کے وقت یہ الفاظ استعمال کیے ہوں۔ کنائی الفاظ کہنے سے ایک طلاقِ بائن واقع ہوجاتی ہے، جس سے دونوں کا رشتہ ختم ہوجاتا ہے، اور شوہر تجدیدِ نکاح کے بغیر عورت کے قریب نہیں جاسکتا۔نیز  اگر شوہر ایک طلاقِ بائن دینے کے بعد دوسری طلاقِ بائن دے دے، یا طلاقِ بائن کے بعد بیوی خلع لے لے، تو اس دوسری طلاقِ بائن یا خلع کا کوئی اعتبار نہیں ہوگا، کیونکہ پہلی طلاقِ بائن سے ہی دونوں کا رشتہ ختم ہوچکا ہوتا ہے۔ ایک مرتبہ رشتہ ختم ہوجانے کے بعد دوبارہ طلاق یا خلع کا کوئی معنی نہیں رہتا۔ اس لیے بیوی کی عدت کا اعتبار بھی پہلی طلاق سے ہی  ہوگا۔ لہٰذا جب پہلی طلاق کے بعد تین حیض  گزر جائیں، تو عورت کی عدت ختم ہوجائے گی۔

صورتِ مسئولہ کے مطابق، اگر واقعی شوہر نےغصہ کی حالت میں  یہ الفاظ کہے ہوں کہ "تم میری طرف سے فارغ ہو، میرا اور تمہارا رشتہ ایک کاغذ کا ہے، تم اپنا سامان پیک کرو، میں آج تمہارا ٹکٹ کراکے پشاور بھیجتا ہوں"، تو چونکہ یہ الفاظ کنایہ کے اس قبیل سے ہیں،جب غصہ کی حا لت میں بولے جائیں، تو بلا  نیت طلاق بھی ایک طلاق بائن واقع  ہوجاتی ہے ،اس لیے  جس دن شوہر نے یہ الفاظ کہے، اسی دن سے سائلہ کی عدت شمار ہوگی۔

قال رحمه الله (لا تطلق بها إلا بنيته أو دلالة الحال) أي لا تطلق بالكنايات إلا بأحد هذين الأمرين؛ لأن ألفاظ الكنايات غير مختصة بالطلاق بل تحتمله وغيره فلا بد من المرجح..... قال رحمه الله (وهي) أي غير الثلاثة الأول من الكنايات (بائن بتة بتلة حرام خلية برية حبلك على غاربك الحقي بأهلك وهبتك لأهلك سرحتك فارقتك أمرك بيدك اختاري أنت حرة تقنعي تخمري استتري اغربي اخرجي اذهبي قومي ابتغي الأزواج)؛ لأن هذه الجملة تحتمل الطلاق وغيره فلا بد من التعيين ليتبين الحال.(تبيين الحقائق شرح كنز الدقائق،كتاب الطلاق،باب الكنايات،ج:2،ص:215-216)

وفي حالة الغضب يصدق في جميع ذلك لاحتمال الرد والسب إلا فيما يصلح للطلاق ولا يصلح للرد والشتم كقوله اعتدي واختاري وأمرك بيدك فإنه لا يصدق فيها كذا في الهداية. (الفتاوى الهندية،كتاب الطلاق،الباب الثاني في إيقاع الطلاق، الفصل الخامس ،ج: 1، ص:375)

(الصريح يلحق الصريح و) يلحق (البائن) بشرط العدة (والبائن يلحق الصريح) الصريح ما لا يحتاج إلى نية بائنا كان الواقع به أو رجعيا فتح ..... (لا) يلحق البائن (البائن).(الدر المختار مع تنوير الأبصار ،كتاب الطلاق ،باب الكنايات،ج:3،ص:306 -308)