واضح رہے کہ اگر کسی نے اپنی بیوی کورخصتی اورخلوت صحیحہ  سے پہلے متفرق طور پر تین طلاقیں دے دیں تو ایک طلاق سے وہ بائنہ ہو جائیگی اور باقی دو طلاقوں کے لئے محل باقی نہ رہنے کی وجہ سے وہ لغو ہو جائیں گی، اس کے بعد دونوں باہم رضا مندی سے نیا نکاح کرسکتے ہیں ،البتہ آئیندہ اس کو دو طلاقوں کا حق حا صل ہوگا ۔

صورت مسؤلہ کے مطابق غیر مدخول بہا بیوی کو رخصتی سے پہلے  طلاق دینے کے بعد تجدید نکاح کرسکتے ہیں ،البتہ تجدید نکاح کئے بغیر اس سے ہمبستری کرنا ناجائزاورحرام ہے، اور  تجدید نکاح کے بعد  شوہر کے ساتھ صرف دو طلاقوں کا اختیار باقی رہے گا،نیز تجدید نکاح عام نکاح جیسا ہی ہوتاہے۔

(وإن فرق بانت بالأولی)لاإلی عدة(و)لذا(لم تقع الثانية)بخلاف الموطوءة حيث يقع الكل.(ردالمحتار علی الدرالمختار،باب طلاق غير المدخول بها،ج:4،ص:512)