شریعت مطہرہ کی روشنی میں  مفاد عامہ میں ہر اس  جائز کام کرنے کی گنجائش ہے جس سے  کسی   کو ضررلاحق  نہ ہو،نیز ضرر اور نقصان کوحتی الوسع ختم کرنے کی کوشش کی جائے گی۔

صورت مسئولہ کے مطابق مجاہدین  اورغیر مجاہدین کے بارے میں پوچھنے اور ان کا ریکارڈ محفوظ کرنے کی وجہ سے اگر ان کے خاندان والوں کو بعد میں مشکلات کا سامنا نہ کرنا پڑے،تو شرعا اس کی گنجائش موجود  ہےتاکہ شہدا کا  ریکارڈ محفوظ  کرکےان کے مناسب حال  ان کی بیواؤں ،بچوں اورگھروالوں کی خدمت کی جائے، یا لوگوں کو اس کی طرف متوجہ کیا جائے ۔ اور اگرعلی التعیین ان کے ریکارڈ کو محفوظ کرنے اورشائع کرنے  کی وجہ سے ان کے اقارب کو بعد میں مشکلات کا سامنا کرنا پڑتا ہو تو پھر ازالۂ ضرر  کے پیش نظر ان  کا ریکارڈ خفیہ رکھنا ہی   بہترہے۔

‌‌‌‌القاعدة الثانية: الأمور بمقاصدها. (الأشباه والنظائر لابن نجيم، الفن الأول: القواعد الكلية، القاعدة الثانية، ص: 23)

القاعدة الخامسة: الضرر يزال: أصلها قوله عليه الصلاة والسلام {لا ضرر ولا ضرار} أخرجه مالك في الموطإ عن عمرو بن يحيى عن أبيه مرسلا، وأخرجه الحاكم في المستدرك والبيهقي والدارقطني من حديث أبي سعيد الخدري، وأخرجه ابن ماجه من حديث ابن عباس وعبادة بن الصامت رضي الله عنهم. وفسره في المغرب بأنه لا يضر الرجل أخاه ابتداء ولا جزاء (انتهى) . (الأشباه والنظائر لابن نجيم، ‌‌الفن الأول: القواعد الكلية، ‌‌القاعدة الخامسة: الضرر يزال، ص: 72)