واضح رہے کہ اگر کسی نے اپنی ملکیت سے خریدی گئی چیز دوسرے کے نام کر دی، اور اس پرمکمل  قبضہ بھی دےدیا تو یہ  ہبہ شمار ہوگا، اور موہوب لہ (جس کو یہ چیزہبہ کی گئی  ہو) اس کا مالک ہوگا۔پھر اس مالک کے انتقال کے بعد  وہ چیز اس کے ورثاء میں شرعی اصولوں کے مطابق تقسیم ہوگی۔

لہذا صورت مسئولہ کے مطابق اگر بیٹے  اپنے  پیسوں سے زمین خرید کر اپنے باپ کے نام رجسٹری  کرکے اس کو قبضہ بھی دے دےتو والد  کے انتقال کے بعد اس زمین میں  وراثت جاری ہوگی۔

لايثبت الملك للموهوب له إلا بالقبض هو المختار،فإذا قبضه صار ملكا له ۔(الفتاوىٰ الهندية،كتاب الهبة، الباب الثانی فیما یجوز من الھبۃ وما لایجوز،ج:4،ص:378۔)