واضح رہے کہ جس کمپنی یا ادارہ میں حلال اور حرام دونوں قسم کا کاروبار ہوتاہو اور کسی ملازم  کی نوکری کا تعلق براہ راست  اس حرام کاروبار سے نہ ہو بلکہ وہ کسی اور جائز کام پر مامور ہو تو ایسی نوکری کی شرعا گنجائش ہے ۔

صورت مسؤلہ کے مطابق اگرسائل استقبالیہ کی ڈیوٹی پر مامور ہو جس کا شراب پینے اور پلانے یا کسی اور ناجائز کام سے کوئی تعلق نہ ہو تو اس صورت میں اس کے لئے نوکری کی گنجائش ہے تاہم  سائل کو چاہیئے کہ کھلم کھلا گناہوں کے ماحول سے بچنے کے لئے  اس کے علاوہ کوئی اور کام تلاش کرتا رہے ۔

ولو استأجر الذمي مسلما ليبني له بيعة أو كنيسة جاز ويطيب له الأجر.(الفتاوى الهندية،كتاب الإجارة،الباب السادس عشر في مسائل الشيوع،ج :4،ص:487)