جاننا چاہیے کہ  اگر کوئی شخص زمین پرشجر کاری کرے اور اس سے اس کا مقصد لکڑیاں حاصل کرنا ہو تو اس میں عشر واجب ہوگا۔ نیز یہ بھی واضح رہے کہ عشر یا نصف عشر کا دارومدار سیرابی پر ہے۔ اگر فصل بارش یا قدرتی چشموں کے ذریعے براہ راست بغیر کسی مشقت کے سیراب کی جاتی ہو،تو اس میں عشر واجب ہوگا،لیکن اگر کسی اور طریقے سے سیرابی ہوتی ہو جس میں بوجھ،خرچ اور مشقت کو بھی دخل ہو تو پھر نصف عشر واجب ہوگا۔

صورت مسئولہ میں سفیدار کے درخت چونکہ فصل کے طور پر کاشت کیے جاتے ہیں،اس لیے ان میں عشر یا نصف عشر لازم ہوگا۔ اسی طرح اس کی تراش شدہ شاخیں اگر باقاعدہ مخصوص مقاصد کے لیے بیچے جاتے ہوں،تو یہ بھی پیداوار میں شمار ہوکر ان میں بھی عشر یا نصف عشر لازم ہوگا۔

أما الحطب،والقصب،والحشيش لا تستنبت في الجنان عادة،بل تنقى عنها،حتى لو اتخذها مقصبة،أو مشجرة،أو منبتا للحشيش،يجب فيها العشر.(الهداية،كتاب الزكوة،باب زكوة الزروع والثمار،ج:1،ص:218)

ثم ماء العشر ماء البئر التي حفرت في أرض العشر، وماء العين التي تظهر في أرض العشر،وكذلك ماء السماء،و ماء البحار العظام عشري.(الفتاوى الهندية،كتاب الزكوة،باب زكوة الزروع والثمار،ج:1،ص:186،187)

قوله:(لكثرة المؤنة) علة لوجوب نصف العشر فيما ذكر...ولو رفعت المؤنة كان الواجب واحدا،وهو العشر.(ردالمحتار على الدرالمختار،كتاب الزكوة،باب العشر،ج:3،ص:328)