واضح رہے کہ دینِ اسلام میں مسلمانوں کو  کافروں کے ساتھ مشابہت کرنے سے منع کیا گیا ہے۔چونکہ فقہائے کرام نے فرمایا کہ یہ مجوسیوں کی عادت تھی کہ کھانے کے دوران وہ بالکل خاموش رہتے تھے،اس لیے مسلمانوں کے لیے کھانے کے دوران خاموش رہنا مکروہ ہے۔لہذا صورتِ مسئولہ کے مطابق کھانے کے دوران خاموش رہنا مجوسیوں کے ساتھ مشابہت ہونے کی وجہ سے مکروہ ہے،   لہذا کھانے کے دوران باتیں کرنا جائز ہے۔البتہ فضول باتوں سے اجتناب کیا جائے بلکہ اچھی اور اصلاح کی باتیں کرنی چاہیے۔

يكره السكوت حالةالأكل؛لأنه تشبه بالمجوس،کذا في''السراجية''.(الفتاوی الهندية،كتاب الكراهية،الباب الثاني عشرفي الهدايا والضیافات،ج:5،ص:345)