خرید و فروخت کے لین دین میں اگر کوئی شخص واسطہ بن کر گاہک کو بیچنے والے تک پہنچائے تو ایسے شخص کو "دلال" یا "کمیشن ایجنٹ" کہا جاتا ہے۔

دلال کے لیے اجرت اسی وقت جائز ہوتی ہے جب پہلے ہی عاقدین (خریدار یا فروخت کرنے والے) میں سے کسی ایک کے ساتھ یہ معاہدہ طے ہو کہ دلال کے کام پر اسے اتنی اجرت یا کمیشن دیا جائے گا۔اگر ایسا معاہدہ پہلے سے موجود نہ ہو اور دلال محض خیر خواہی یا بطور تبرع (یعنی بغیر معاوضہ ) گاہک کو کسی دکاندار تک پہنچائے، تو اس صورت میں وہ کسی قسم کی اجرت یا نفع کا مطالبہ نہیں کر سکتا۔
صورت  مسئولہ میں دکاندار نے صرف گاہک کو سیلز مین کی طرف بھیجا اور اسے پرچون ریٹ پر چیز دینے کا کہا۔اگردکاندار اور سیلز مین کے درمیان پہلے سے یہ طے ہوا تھا کہ وہ جو گاہک  بھیجے گا، اس پر اسے متعین اجرت دی جائے گی تو پھروہ اس کا مطالبہ کرسکتاہے۔لیکن اگر اس طرح کا کوئی معاہدہ پہلے سے موجود نہ تھا، تو پھر دکاندار کا مطالبہ درست نہیں۔ اس صورت میں یہ محض تبرع شمار ہوگا اور تبرع کے بدلے کوئی اجرت یا نفع واجب الادا نہیں ہوتا۔

وفي الحاوي: سئل محمد بن سلمة عن أجرة السمسار، ‌فقال: ‌أرجو ‌أنه ‌لا ‌بأس ‌به وإن كان في الأصل فاسد لكثرة التعامل وكثير من هذا غير جائز، فجوزوه لحاجة الناس إليه كدخول الحمام وعنه قال: رأيت ابن شجاع يقاطع نساجا ينسج له ثيابا في كل سنة.(رد المحتار علی الدرالمختار،کتاب الإجارة،باب ضمان الأجير،ج:9، ص: 87)

وأجرۃ السمسار جائزۃ إذا کان سمسارا من جانب واحد لکن بشرط أن تکون متعینة.(منہاج السنن شرح جامع السنن،ابواب البیوع،باب ماجاءفي،التجار،ج:4،ص:5)