والدین کے ترکہ میں جس طرح بیٹوں کا حق ہوتا ہے اسی طرح بیٹیوں کا بھی اس میں حق ہوتا ہے، والدین کے انتقال کے بعد ان کے ترکہ پر بیٹوں  کا خود قبضہ کرلینا اور بیٹیوں کوشرعی حصے سے محروم کردینا ناجائز اور سخت گناہ ہے۔ لہذا کسی بھائی کے لیے یہ جائز نہیں کہ وہ بہنوں کو میراث سے محروم کردے۔ نیز میراث میں مورِث کے ترکہ میں سے صرف وہی مال تقسیم کیا جائے گا جس کے ساتھ کسی دوسرے کا حق متعلق نہ ہو، کیونکہ جس مال کے ساتھ دوسروں کا حق متعلق ہویا اس کو ناجائز طریقے سے حاصل کیا گیا ہو تو وہ مال تقسیم نہیں کیا جائے گا، بلکہ اگر اس کا اصل مالک معلوم ہو تو اسے واپس لوٹانا لازم ہےاور اگر مالک معلوم نہ ہو تو اس کو مالک کی طرف سے صدقہ کرنا لازم ہے۔

صورتِ مسئولہ کے مطابق اگر کسی کواپنے والد مرحوم سے ایسی جائیداد مل جائے، جس میں بہنوں کا حق دبایا گیا ہو، تو اس جائیداد میں بہنوں کے حصے کے بقدر اس کاحصہ حلال نہیں ہوگا، اس لیے اس حصے کی  تقسیم بھی جائز نہیں۔ لہٰذا اس زائد حصے کو اصل مستحقین تک پہنچانا لازم ہے، اوراس سے ذمہ فارغ ہوگا۔

اور پہنچانے کا طریقہ یہ ہے کہ اصول(آباواجداد) میں جس کے بارے میں یقینی طور پر معلوم ہو کہ اس نے بہنوں کو ان کاحصہ نہیں دیا ہے، وہاں سے کل ترکہ اور ورثا کو معلوم کیا جائے، پھر وہاں سے اصولِ مناسخہ کے مطابق تمام زندہ ورثا کے حصے معلوم کرلیے جائیں، پھر اپنے حصے میں استحقاق سے جو زائد مال ہو اسے ان مستحقین یا ان کے وارثا کو حصہ دیا جائے جن کو محروم رکھا گیاتھا۔

 وعن أنس قال: قال رسول الله صلى الله عليه وسلم: «‌من ‌قطع ‌ميراث ‌وارثه ‌قطع ‌الله ‌ميراثه ‌من ‌الجنة ‌يوم ‌القيامة». (مشكاة المصابيح، كتاب الفرائض والوصايا، باب الوصايا، الفصل الثالث، ج:2، ص:926)

 يبدأ من تركة الميت الخالية عن تعلق الغير بعينها. (الدرالمختار شرح تنوير الأبصار، كتاب الفرائض، ج:10، ص:493)

لان التركة في الاصطلاح ‌ما ‌تركه ‌الميت ‌من ‌الأموال ‌صافيا ‌عن ‌تعلق ‌حق ‌الغير ‌بعين ‌من ‌الأموال. (ردالمحتار علی الدرالمختار، کتاب الفرائض، ج:7، ص:350)

والحاصل أنه إن علم أرباب الأموال وجب رده عليهم وإلا فإن علم عين الحرام لا يحل له ويتصدق به بنية صاحبه. (ردالمحتار على الدرالمختار، كتاب البيوع، باب البيع الفاسد، مطلب في من ورث مالا حراما، ج:7، ص:301)

وإذا مات الرجل وكسبه خبيث فالأولى لورثته أن يردوا المال إلى أربابه فإن لم يعرفوا أربابه تصدقوا به وإن كان كسبه من حيث لا يحل وابنه يعلم ذلك ومات الأب ولا يعلم الابن ذلك بعينه فهو حلال له في الشرع والورع أن يتصدق به بنية خصماء أبيه كذا في الينابيع. (الفتاوى الهندية، كتاب الكراهية، الباب الخامس عشر في الكسب، ج:5، ص:349)