واضح رہے کہ مسجد کے چندہ دہندہ گان اگر کسی خاص مصرف کےلیے چندہ دیں، تو شرعا اس کو اسی مد میں استعمال کر نا ضروری ہے۔لیکن اگر چندہ دہندہ گان کسی خاص مصرف  کی تعیین کئے بغیر چندہ دیں، تو اس کو عرف کے مطابق مسجد کے مصارف و مصالح میں خرچ کیا  جاسکتا ہے۔

صورت مسئولہ میں مسجد کی الماری کو مصالح مسجد میں استعمال کیا جائے گااورچونکہ مصالح مسجد میں امام بھی شامل ہے ، اس لیے امام کے لیے مسجد کی الماری کواپنی ذاتی دینی کتب کے لیے استعمال کرنا جائز ہے،اور اگر ضرورت ہو تو تالابھی لگاسکتاہے تاہم ضروری ہے کہ اس کی وجہ سےمسجدکے قرآن مجید،سیپارےوغیرہ کے لیے جگہ کم نہ پڑتی ہو۔

وإذا أراد أن يصرف شيئا من ذلك إلى إمام المسجد أو إلى مؤذن المسجد فليس له ذلك إلا إن كان الواقف شرط ذلك في الوقف.(الفتاوی الهندية، كتاب الوقف، الباب الحادي عشر في المسجد، ج:2، ص:413)

وبما ذكرناه علم أنه لو بنى بيتا على سطح المسجد لسكنى الإمام فإنه لا يضر في كونه مسجدا لأنه من المصالح.(البحرالرائق، كتاب الوقف، ج:5، ص:421)