واضح رہے کہ مسجد ایک عبادت گاہ ہے جس میں ہر کسی کو نماز، ذکر، تلاوت کرنے کا حق حاصل ہے، بلا وجہ کسی کو مسجد سے روکنا جائز نہیں ہے۔ البتہ کسی ادارے یا محلے کی مسجد بہت تنگ ہو کہ اس میں دوسرے لوگ نہ سما سکیں، تو اپنی ضرورت کو ملحوظِ نظر رکھ کر دوسرے محلے یا ادارے والوں کو مسجدسے روکنے کی گنجائش پائی جاتی ہے۔

لہٰذا صورتِ مسئولہ کے مطابق اگر واقعی کسی سرکاری ادارے کی مسجد اتنی تنگ ہو کہ باہر کے لوگ اس میں نہ سما سکیں، تو ایسی صورت میں باہر سے آنے والے لوگوں کو جمعہ کی نماز کے لیے اجازت نہ دینے کی گنجائش ہے۔

قال في القنية:وكذا ‌لأهل ‌المحلة ‌أن ‌يمنعوا من ليس منهم عن الصلاة فيه إذا ضاق بهم المسجد. (رد المحتار على الدرالمختار،كتاب الصلاة، فروع أفضل المساجد،ج:1،ص:662)