واضح رہے کہ جب کسی شخص کا انتقال ہوجائے، تو اس کی میراث صرف انہی ورثاء میں تقسیم ہوتی ہے، جو اس کے انتقال کے وقت زندہ موجود ہوں، چنانچہ جو  افراد مورث (یعنی جس کی میراث تقسیم ہو رہی ہو) کی زندگی میں ہی فوت ہوجائیں، وہ شرعاً میراث میں حق دار نہیں ہوتے؛ لہٰذا جو بیٹے اپنے والد کی زندگی میں انتقال کرجائیں، ان کو والد کی میراث میں کوئی شرعی حق (حصہ) نہیں بنتا۔

صورت مسئولہ میں مرحوم کے تین بیٹے جو اس سے پہلے انتقال پاچکے ہیں ان کا یا ان کی اولاد کا مرحوم کی میراث میں کوئی حصہ نہیں بنتا۔ البتہ مرحوم کی وفات کے وقت جو دو بیٹے اور ایک بیٹی زندہ تھی میراث صرف انہی کا حق ہے۔

قال الله تعالى: ﴿وَاُولُوا الۡاَرۡحَامِ بَعۡضُهُمۡ اَوۡلٰى بِبَعۡضٍ فِىۡ كِتٰبِ اللّٰهِ​  اِنَّ اللّٰهَ بِكُلِّ شَىۡءٍ عَلِيۡمٌ﴾. (الأنفال: 75)

أن ‌شرط ‌الإرث وجود الوارث حيا عند موت المورث۔ (رد المحتار علی الدر المختار، ج:6، ص: 769)