واضح رہےکہ اگر طلاق کو کسی شرط کے ساتھ معلق کیا جائے تو متعلقہ شرط کے موجودہونے کی صورت میں طلاق واقع ہو جائے گی،اوراگر شرط نہ پائی جائے تو طلاق واقع نہ ہوگی، اور شوہر کا طلاق معلق کرنے کے بعد پھر اس تعلیق طلاق سے رجوع معتبر نہیں۔

صورت مسئولہ میں اگر سائل نے اپنی بیوی کو یہ الفاظ کہے ہوں "اگر تم نے اپنے بھائی کے گھر میں قدم رکھا تو تمہیں طلاق "تو اس کے بعدتعلیق سے رجوع کاحق نہیں، لہذا اگر وہ اپنےبھائی کے گھر جائے گی تو ایک طلاق واقع  ہوگی۔ جس کے بعد عدت میں رجوع کرنے کا حق شوہر کے پاس ہوگا البتہ عدت ختم ہونے سے وہ بائن ہوجائے گی پھر دونوں باہم رضامندی  سے نیا نکاح کرسکتے ہیں۔

وإذا أضافه إلى الشرط وقع عقيب الشرط اتفاقا مثل أن يقول لامرأته إن دخلت الدار فأنت طالق۔(الفتاوى الهندية،كتاب الطلاق،الباب الرابع في الطلاق بالشرط،ج:1،ص:488)

ولو قال لها إذا دخلت الدار أو إذا كلمت فلانا أو صليت الظهر أو إذا جاء رأس الشهر فأنت طالق اثنتين، ثم أقرت بالرق، ثم وجد الشرط طلقت اثنتين وملك الزوج رجعتها؛ لأن الرجوع عن التعليق لا يصح فلا يمكنه التدارك(الفتاوى الهندية،الباب السادس عشر في الإقرار بالنكاح،ج:4،ص:209)