جاننا چاہیے کہ مبیع میں موجود ہرایسا نقص جس سے تجارکے ہاں مبیع کی قیمت گھٹتی ہووہ شرعاًعیب کہلاتاہےلہذا شرعاً معاملہ کرتے وقت   بائع (بیچنے والے) پریہ لازم ہے کہ وہ خریدار کومبیع(سودے) میں موجود عیوب سے خبردارکرے ۔ چنانچہ معاملہ کرتےوقت مبیع میں موجود عیوب  چھپانا دھوکہ دہی ہے جو کہ شرعاً ناجائز ہے۔

1۔صورت مسؤلہ کے مطابق کسٹمر کے پوچھنے کے باوجود موبائل کےعیوب چھپا کربیچنا شرعاًدھوکہ دہی ہے جوکہ ناجائز ہے اوراس سے حاصل ہونے والامنافع بھی شرعاً ناجائز ہےاسی طرح کسٹمر کے پوچھے بغیراگرریپئرشدہ موبائل کواصل موبائل( جس میں کسی طرح کی ریپیئرنگ نہیں ہوئی ہو)  کی قیمت پربیچاجاتاہوتو یہ بھی دھوکہ دہی کی وجہ سے ناجائزہوگا کیونکہ اس صورت میں کسٹمر کواصل موبائل کی قیمت پرریپئرشدہ موبائل مل رہاہےجوکہ عیب ہےاوردکانداراس کو چھپا رہاہے لیکن اگر کسٹمرکے پوچھے بغیراس کوریپئرشدہ موبائل کی قیمت پر دیا جارہاہواورعیب واضح نہ کیا جائے توشرعاً اس کی گنجائش ہوگی تاہم اگر کسٹمربعد میں اس کو واپس کرنا چاہےتواس کوخیارعیب حاصل ہوگا۔

2۔ چائنہ،ہانگ کانگ سے آئے ہوئے موبائلوں کے بارے میں یہ کہنا کا فی ہے کہ چائنہ اور ہانگ کانگ کے بنائےآئی فون ہیں اس میں یہ بتانا ضروری نہیں کہ اس کے بورڈ پرانے ماڈل کے ہیں۔

كتمان عيب السلعة حرام وفي البزازية وفي الفتاوى إذا باع سلعة معيبة عليه البيان وإن لم يبين قال بعض مشايخنا يفسق وترد شهادته قال الصدر لا نأخذ به.(البحر الرائق شرح كنز الدقائق ومنحة الخالق،ج:6،ص:38)

لا يحل ‌كتمان ‌العيب في مبيع أو ثمن؛ لأن الغش حرام.(ردالمحتار على الدر المختار،ج:5،ص:47)

رجل أراد أن يبيع ‌السلعة ‌المعيبة وهو يعلم يجب أن يبينها فلو لم يبين قال بعض مشايخنا يصير فاسقا مردود الشهادة.(الفتاوى الهندية،ج:3،ص:210)

وكل ما أوجب نقصان الثمن في عادة التجار فهو عيب"؛ لأن التضرر بنقصان المالية، وذلك بانتقاص القيمة والمرجع في معرفته عرف أهله.(الهداية في شرح بداية المبتدي،ج:3،ص:37)