شریعت مطہرہ کی رو سے کسی تنخواہ دارملازم کویہ اجازت نہیں کہ وہ مالک کی اجازت کے بغیرخود ذمہ داری نبھانے کی بجائے اپنا کام کسی اور سے کرائےاور تنخواہ خود وصول کرے۔

صورت مسؤلہ میں اساتذہ کرام کا روزانہ حاضری کے بارے میں تقسیم کاراورایک دوسرے کی جگہ پیریڈ لینے کا معاہدہ کرنا جائزنہیں، کیونکہ ہرایک کی ملازمت کا ایگریمنٹ الگ الگ ہوا ہے، اس لیے ہرایک خود اپنی ملازمت کےاوقات میں طے شدہ ذمہ داری کو پورا کرنے کا پابند ہے، ایک دوسرے کی جگہ حاضری دینا شرعاً جائز نہیں، ورنہ ڈیوٹی میں کام چوری تنخواہ کے جوازپراثراندازہوگی۔

‌الأجير ‌الذي ‌استؤجر ‌على أن يعمل بنفسه ليس له أن يستعمل غيره. (شرح المجلة لسليم رستم باز، المادة:571، كتاب الإجارة،الباب السادس في بيان المأجور، ص:306)