شرعی اعتبار سے اس طرح بیع جائز نہیں کہ جس میں عقد کے وقت نہ مبیع موجود ومتعین ہو اور نہ ہی ثمن ادا کیا جائے ،حدیث شریف میں اس کو "بیع الکالی بالکالی "(ادھار کا ادھار سے بیع کرنا ) کا نام دے کر ناجائز قرار دیا ہے ۔تاہم اگر کوئی آئندہ کے لیے عقد بیع کا وعدہ کرے اور پھر جب مبیع موجودومتعین ہو جائےتواس وقت خریدوفروخت کا معاملہ کیا جائے،تو اس طرح کرنا جائز ہے  ۔

صورت مسؤلہ میں ایک خریدار کا فروٹ کو پسند کرکے  اگلے دن آنے والے فروٹ  کے بارے میں یہ کہنا کہ  "وہ میرے ہوگئے "اور ریٹ طے کرنا  ،اگر اس سے مقصود محض خریداری کا وعدہ ہو اور پھر کل دوبارہ ایجاب وقبول کرکے معاملہ طے کیا جاتا ہو تو ایسا کرنا درست ہے ،لیکن  اگر اس سے  مقصود باقاعدہ بیع ہو تو ایسا کرنا بیع الکالی بالکالی کے زمرے میں داخل ہوکر ناجائز ہوگا۔

  عن ابن عمر رضي الله عنهما، عن النبي صلى الله عليه وسلم أنه نهى ‌عن ‌بيع ‌الكالئ بالكالئ هو النسيئة بالنسيئة)المستدرک للحاکم، كتاب البيوع،ج:2،ص:66،رقم الحديث:2343)

( وما لا تصح ) إضافته ( إلى المستقبل ) عشرة ( البيع وإجازته وفسخه والقسمة والشركة والهبة والنكاح والرجعة والصلح عن مال والإبراء عن الدين ) لأنها تمليكات للحال فلا تضاف للاستقبال.( ردالمحتارعلی الدرالمختار،باب المتفرقات من أبوابها،مطلب ما يصح إضافته وما لا تصحج،ج:5،ص:256)