واضح رہے کہ جب دو فریق کے درمیان کسی مال یا حق کے بارے میں نزاع پیدا ہو جائے، تو شرعی قاعدہ یہ ہے کہ مدعی پر گواہ لانا لازم ہوتا ہے، اور اگر وہ گواہ پیش نہ کرسکے تو مدعی علیہ سے قسم لی جائے گی۔لہٰذا اگر میاں بیوی کے درمیان گھر کے سامان میں اختلاف ہو جائے، اور دونوں کسی چیز کو اپنی ملکیت قرار دیں، تو اس بارے میں اصول یہ ہے کہ:اگر کسی کے پاس بھی پا گواہ نہ ہوں توجو سامان کسی ایک کے لیے مخصوص یا موزوں معلوم ہو، تو قسم کے ساتھ وہ اس فریق کی ملکیت سمجھی جائیں گی۔اورجو سامان دونوں کے استعمال میں یکساں ہو اور بظاہر کسی ایک کے ساتھ خاص نہ ہو (جیسے برتن، بستر، فرنیچر وغیرہ)، تو چونکہ شریعت کی رو سے بیوی اور اس کا مال، شوہر کی کفالت و ذمہ داری میں ہوتا ہے،اور عمومی طور پر شوہر کو ہی گھر کے وسائل پر قابض مانا جاتا ہے،لہذا ایسی صورت میں بیوی مدعیہ ہوگی۔ اس لیےاگر وہ گواہ پیش کر دے تو اس کا دعویٰ تسلیم کیا جائے گا۔اور اگر گواہ پیش نہ کر سکے، تو شوہر قسم کھائے گااور اس کا قول معتبر مانا جائے گا۔

صورت مسئولہ کے مطابق اگر میاں بیوی کے درمیان گھرکےایسے سامان میں اختلاف ہوکہ جو ان میں سےکسی کے ساتھ خاص نہ ہو،تو اس صورت میں اگرعورت دو معتبرگواہ پیش کرے تو سامان اس کا ہوگا،ورنہ(گواہ نہ ہونے کی صورت میں) شوہر کا قول مع الیمین معتبر ہوگا۔

عن عمرو بن شعيب، عن أبيه، عن جده، أن النبي صلى الله عليه وسلم قال في خطبته: «‌البينة ‌على ‌المدعي، واليمين على المدعى عليه».(سنن الترمذي،أبواب الأحكام،باب ماجاء في أن البينة على المدعي واليمين على من أنكر،رقم الحديث:1341)

(وإن اختلف الزوجان) ... (في متاع) هو هنا ما كان في (البيت) ولو ذهبا أو فضة (فالقول ‌لكل ‌واحد ‌منهما ‌فيما ‌صلح ‌له ‌مع ‌يمينه) إلا إذا كان كل منهما يفعل أو يبيع ما يصلح للآخر فالقول له تعارض الظاهرين درر وغيرها (والقول له في الصالح لهما) لأنها وما في يدها في يده والقول لذي اليد بخلاف ما يختص بها لأن ظاهرها أظهر من ظاهره وهو يد الاستعمال، (ولو أقاما بينة يقضى ببينتها) لأنها خارجة. (الدرالمختار،كتاب الدعوى،باب التحالف ، ج:5،ص:563،564)