واضح رہے کہ كسی کو بغیرعوض کے کسی چیز کا مالک بنانا "ہبہ"کہلاتا ہے، اگر ہبہ کو کسی مناسب(ملائم) شرط کے ساتھ معلق کیا جائے تو یہ جائز ہے، البتہ اگر ہبہ ایسی شرط کے ساتھ معلق ہوجو عقد کے خلاف ہو تو ایسی صورت میں خود ہبہ توجائز ہوگا، لیکن وہ شرط فاسد ہوگی۔

صورتِ مسئولہ میں کمپنی کی جانب سے زمیندار کو کسان پیکج کے طور پر کھاد اور بیج دینا شرعاً ہبہ ہے، اور اس کے ساتھ یہ شرط لگانا کہ آئندہ فصل صرف اسی کمپنی کو فروخت کی جائے، شرطِ فاسد ہے۔ لہٰذا زمیندار پر لازم نہیں ہے کہ وہ آئندہ فصل اسی کمپنی کے ہاتھوں فروخت کرے، خواہ فصل میں نفع ہویا نقصان ہو۔

لو قال وهبتك كذا ‌بشرط ‌أن ‌تخدمني شهرا فإن هذا شرط فاسد لا تبطل الهبة به كما سيأتي قبيل الصرف، وظاهر ما هنا أنه لو خدمه لم يكن فيه بأس. (رد المحتار على الدرالمختار، كتاب البيوع، باب الربا، ج:5، ص:170)

وفي جامع الفصولين: ‌ويصح ‌تعليق ‌الهبة ‌بشرط ملائم كوهبتك على أن تعوضني كذا، ولو مخالفا تصح الهبة لا الشرط اهـ. (رد المحتار على الدرالمختار، كتاب البيوع، باب المتفرقات من أبوابها، ج:5، ص:249)