شریعتِ مطہرہ میں شوہر کو تین طلا ق دینے کا اختیار دیا گیا ہے، چنانچہ اگر کوئی شخص اپنی بیوی کو ایک یا دو طلاق رجعی دے، تو اس کے پاس  عدت کے اندر رجوع کا اختیار رہتا ہے۔اگر وہ عدت میں رجوع کرکے مزید تین طلاقیں دے دے، تو عورت تین طلاقوں سے مطلقہ مغلظہ بن کر شوہر پر حرام ہوجاتی ہے ۔ اس کے بعد میاں بیوی کا کوئی رشتہ  باقی نہیں رہتا۔اور دونوں ایک دوسرے کے لیے نامحرم بن جاتے ہیں۔

صورتِ مسئولہ میں جب سائل نے بیوی کو پہلے ایک یا دو مرتبہ طلاق رجعی دی ،اوررجوع کرنے کے بعد پھر تین طلاقیں دیں، تو اب یہ عورت تین طلاقوں کے ساتھ مطلقہ مغلظہ ہو کر شوہر پر حرام ہوگئی ہے، لہٰذا اب ان دونوں کے مابین کوئی رشتہ  باقی نہیں ہے۔

‌قال الله تعالى: ﴿فَإِنْ طَلَّقَهَا فَلَا تَحِلُّ لَهُ مِنْ بَعْدُ حَتَّى تَنْكِحَ زَوْجًا غَيْرَهُ﴾ (البقرة: 230)

وأما ‌الطلقات ‌الثلاث ‌فحكمها ‌الأصلي ‌هو ‌زوال ‌الملك،وزوال حل المحلية أيضا حتى لا يجوز له نكاحها قبل التزوج بزوج آخر؛لقوله عز وجل{فإن طلقها فلا تحل له من بعد حتى تنكح زوجا غيره}[البقرة: 230]،وسواء طلقها ثلاثا متفرقا أو جملة واحدة. (بدائع الصنائع،كتاب الطلاق،فصل في حكم الطلاق البائن،ج:3،ص:187)