واضح رہے کہ ہرذی روح کے ساتھ بھلائی کا معاملہ کرنا (کھاناکھلانا ،پانی پلاناوغیرہ) ایک مستحسن اور موجب ثواب عمل ہے ۔ اسی تناظر میں کتے کے ساتھ ہمدردی اورمہربانی کا معاملہ کرنا بھی شریعت میں مستحسن ہےنیزشریعتِ مطہرہ نے ہر عمل کے ساتھ نیت کو وابستہ کیا ہے، اور بعض کاموں کے ساتھ مخصوص اذکار و ادعیہ کی تعلیم دی ہے، ان اذکار میں سے ہرکام کی ابتدا میں "بسم اللہ" پڑھنا بھی ایک ہےجس کی ترغیب دی گئی ہے خاص طور پر ان کاموں سے پہلے جو شرعی طور پر مستحسن، عمدہ اور قابلِ تعریف ہوں،اس کےعلاوہ جوکام شرعی طورپر مستحسن اورقابل تعریف نہ ہو وہاں بسم اللہ پڑھنا درست نہیں  ۔

صورت مسئولہ میں کتے کوکھانا کھلانا یا پانی پلانا ایک مستحسن اورموجب ثواب عمل  ہے،چنانچہ اس اعتبار سےبسم اللہ پڑھنے کی گنجائش ہےمگر مسنون ہونےکا ثبوت   نہیں ملتا۔

عن أبي هريرة قال: قال رسول الله صلي الله عليه وسلم : "كل كلام أو أمر ذي بال لا يفتح بذكر الله عز وجل فهو أبتر أو قال أقطع".(مسند أحمد،ج:8،ص: 395 ،رقم الحديث:8694)