واضح رہے کہ اجارہ میں ایسی شرائط لگانا جن سے عاقدین میں کسی ایک کےلیے نفع ہویا اس سے نزاع  پیدا ہونے کا قوی امکان ہوتو وہ اجارہ کو فاسد کردیتی ہے لیکن اگر کوئی شرط عرف کا درجہ اختیار کرے تو پھر وہ اجارہ کی  صحت سے مانع نہیں۔

صورت مسؤلہ کے مطابق مالک دکان کےلیے کرایہ دارسے کرایہ کے علاوہ ایڈوانس رقم بطورضمانت لیناچونکہ عرف میں رائج ہے اس لیے اس کی گنجائش ہےنیزایڈوانس جو رقم بطور ضمانت لی جاتی ہے اس کو علماء نے  قرض کے زمرے میں داخل کیا ہے لہذا مالک دکان کے لیے ایڈوانس رقم  کوصرف کرناجائز ہے۔تاہم ایڈوانس کی وجہ سےکرایہ میں مارکیٹ ریٹ سے  کمی کرنا شرعاً ناجائزہے۔   

 مطلب كل قرض جر نفعا حرام: قوله ( كل قرض جر نفعا حرام ) أي إذا كان مشروطا .(ردالمحتار على الدر المختار،ج:5،ص:166)

إن ‌العرف والعادة يكون حجة إذا لم يكن مخالفا لنص أو شرط لأحد المتعاقدين.(درر الحكام في شرح مجلة الأحكام ،ج:1،ص:47)