جاننا چاہیے کہ جس بیع میں بلاتعین اجل کے کسی ایسی چیز بنانے کا مطالبہ ہو جس میں صنعت کا عمل دخل ہواوراس کی صنعت پرتعامل بھی ہو  تویہ استصناع کہلاتا ہے البتہ اگر اجل مہلت طلب کرنے کی بجائے کام جلدی سے مکمل کرنے کی  خاطر مقرر ہوتو وہ بھی استصناع شمارہوگا۔ 

صورت مسؤلہ کے مطابق یہ عقد استصناع ہے کیونکہ مشینیں بنوانے کا عقد ہےاوراس طرح مشینوں کے بنانے میں لوگوں کا تعامل بھی ہے اس لیے یہ عقد استصناع شمار ہوگا۔

چونکہ استصناع کی شرائط میں جنس ،نوع، صفت اور مقدار کا معلوم  ہونا ضروری ہے اور یہاں نوع  جوکہ ماڈل ہے وہ معین نہیں ، کیونکہ اس میں یقینی طور معلوم نہیں کہ ماڈل  نیا ہوگا یا پرانا،اورتعین نہ ہونے کی وجہ سے نزاع کا اندیشہ ہے چنانچہ جب تک اس شرط کی اصلاح نہ ہوگی اس وقت تک یہ بیع فاسد شمار ہوگی ۔اس کے علاوہ پیشگی قیمت دینا،اور مشینیں عقد کے بعد بنانا،اورترسیل ایک ساتھ یا قسط وارکرنا ان  امورسے عقد استصناع متاثر نہیں ہوتا۔

شرعی طور پراس کو درست کرنے کا طریقہ  یہ ہےکہ ماڈل کو اس طرح متعین کیا جائے کہ بعد میں نزاع کا کوئی اندیشہ باقی نہ رہے۔

وإن استصنع شيئا من ذلك بغير أجل جاز استحسانا" للإجماع الثابت بالتعامل.(الهداية في شرح بداية المبتدي،ج:3،ص:73)

(والاستصناع) هو طلب عمل الصنعة (بأجل) ذكر على سبيل الاستمهال لا الاستعجال فإنه لا يصير سلما(سلم) فتعتبر شرائطه(جرى فيه تعامل أم لا) وقالا الأول استصناع (وبدونه) أي الأجل (فيما فيه تعامل) الناس (كخف وقمقمة وطست) بمهملة وذكره في المغرب في الشين المعجمة وقد يقال طسوت (صح) الاستصناع.(قوله هو لغة طلب الصنعة).... وفي البدائع من شروطه: بيان جنس المصنوع، ونوعه وقدره وصفته، وأن يكون مما فيه تعامل، وأن لا يكون مؤجلا.(قوله ذكر على سبيل الاستمهال إلخ) كان الواجب عدم ذكر هذه الجملة لما علمت من أن المؤجل بشهر فأكثر سلم، والمؤجل بدونه إن لم يجر فيه تعامل، فهو استصناع فاسد إلا إذا ذكر الأجل للاستعجال فصحيح.(ردالمحتار على الدر المختار،ج:5،ص:223)