واضح رہے کہ   دلال یاکمیشن ایجنٹ کے لئے کمیشن لینے میں شرعا کوئی قباحت نہیں بشرطیکہ وه دھوکہ اور جھوٹ سے اجتناب کرنے والا ہو ،اور بائع یامشتری کی رضا مندی سے اس کے لئے اجرت متعین کی گئی ہو تو اس کے لئے اجرت لینے کی گنجائش ہے۔

صورت مسئولہ میں سبزی منڈی میں موجود کمیشن ایجنٹ یادلال چونکہ زمیندار اورخریدار کے درمیان رابطہ کا کام کرتا ہے اس لئے اس کے لئے کمیشن لینا جائز ہے بشرطیکہ وہ کمیشن واضح طور پر متعین ہو تاکہ اس میں نزاع کا اندیشہ نہ رہے۔

وفي الحاوي: سئل محمد بن سلمة عن أجرة السمسار، ‌فقال: ‌أرجو ‌أنه ‌لا ‌بأس ‌به وإن كان في الأصل فاسدا لكثرة التعامل وكثير من هذا غير جائز، فجوزوه لحاجة الناس إليه(رد المحتار علی الدرالمختار، کتاب الإجارة، باب ضمان الأجير، ج: 9، ص: 87)