کسی سے قرض لےکراس کےبدلےکوئی چیز رکھنا رہن کہلاتا ہےجس کو  مرتہن  نہ استعمال کرسکتاہےاور نہ  راہن کی اجازت کے بغیر بیچ سکتا ہے ۔

صورت مسئولہ میں   دس لاکھ روپےقرض  لے کر گاڑی دینا بطور رہن ہے  ۔لہذا مہینہ بعد ساڑھے دس لاکھ دینا  گاڑی کی قیمت نہیں بلکہ قرض کی ادائیگی ہے جو  پچاس ہزار سود کے ساتھ ادا کیا جاتاہے،اس لیےکہ مرتہن اس گاڑی کو راہن پر نہیں بیچ سکتا کیونکہ وہ پہلے سے راہن کی ملکیت ہےلہذا اس طرح کا معاملہ کرنا جائز نہیں ۔اس کو چاہیے کہ  صرف اصل قرض (دس لاکھ روپے) دے کر اپنی گاڑی واپس لے لے۔

جعل الشيء محبوسا بحق يمكن استيفاؤه من الرهن(فتح  القدير كتاب الرهن  ج:10 ص:135)

(باب الربا)... عرفه شرعاً بقوله (فضل مال بلا عوض في معاوضة مال بمال). (البحرالرائق،كتاب البيوع ،باب الربا،ج:6،ص:135)

والراهن: المالك، والمرتهن: آخذ الرهن.(رد المحتار على الدر المختار،كتاب الرهن، ج:6،ص:477)