واضح رہے کہ اپنے ورثاء کےعلاوہ دیگرلوگوں کے حق میں کل مال کے ایک تہائی کی وصیت کرنا جائزہے، البتہ کسی وارث کے حق میں وصیت شرعاً اس وقت تک نافذ نہیں ہوتی جب تک باقی تمام ورثاء عاقل و بالغ ہونے کی صورت میں اس پررضامندی ظاہرنہ کریں، لہذا اگرسب ورثا اس وصیت کو تسلیم کر لیں تواسے نافذ کیا جا سکتا ہےورنہ نہیں۔

صورت مسئولہ میں کسی شخص کا اپنی زندگی میں جائیداد کی تقسیم کا تحریری خاکہ تیار کرنا اوریہ کہنا کہ میری وفات کے بعد اسی کے مطابق تقسیم ہو، شرعی لحاظ سے"وصیت" کے حکم میں آتا ہےاورچونکہ ایک بیٹا اس تقسیم پرراضی نہیں، لہٰذا یہ وصیت نافذ نہیں ہوگی، اورمرحوم کا ترکہ تمام شرعی ورثاء کے درمیان شریعت کے مقررہ اصولوں کے مطابق تقسیم کیا جائے گا۔

عن أبي أمامة: سمعت رسول الله صلى الله عليه وسلم، يقول: "إِنَّ اللَّهَ قَدْ أَعْطَى كُلَّ ذِي حَقٍّ حَقَّهُ فَلَا وَصِيَّةَ   لِوَارِثٍ". (سنن أبی داؤد، کتاب الوصايا، باب ما جاء في وصية للوارث، ج:2، ص:40)

ولا تجوزالوصية للوارث عندنا إلا أن يجيزها الورثة. ( الفتاوی الهندية، کتاب الوصايا، الباب الأول في تفسيرها، ج:6، ص:106)