واضح رہے کہ شخصی مفادات کی بجائےاجتماعی مفادات کو ترجیح حاصل ہوتی ہے، مسجد سےاجتماعی مفادات وابستہ ہوتے ہیں، اس لیے شخصی مفادات کے مقابلے میں اجتماعی مفادات کا حق زیادہ ہے، لیکن یہ بھی ایک حقیقت ہےکہ کسی شخص کا مال اس کی رضامندی کے بغیرلینا یا استعمال کرنا شرعاً جائزنہیں، کیونکہ خرید وفروخت میں فریقین کی رضامندی ضروری ہے، اس لیے صورت مسؤلہ میں عام لوگوں کے لیے کسی شخص کی زمین کو زبردستی مسجد میں شامل کرنا جائز نہیں، البتہ کوشش کی جائے کہ منت سماجت سے وہ شخص راضی ہوکراپنی زمین مسجد کوفروخت کرے اوربطورمسلمان اسے چاہیے کہ مسجد کی ضرورت کو پیش نظررکھتے ہوئےتعاون کرے۔

قال رسول الله صلى الله عليه وسلم: ‌ألا ‌لا ‌تظلموا، ‌ألا ‌لا ‌يحل مال امرئ إلا بطيب نفس منه. (مصابيح السنة، الرقم: 2164، ج:2، ص:352)

لا يجوزلأحدمن المسلمين أخذ مال أحد بغيرسبب شرعي. (البحرالرائق، كتاب الحدود، فصل فی التعزير،  ج:5، ص:68)