واضح رہے کہ جس طرح کسی شخص کے لیے اپنی بیوی کی بہن سے اُس وقت نکاح کرنا حرام ہےجب وہ اس کے نکاح میں ہو، تواسی طرح اگر اس کو طلاق دے دی تومطلقہ بیوی کی عدت کے دوران بھی اس کی بہن سے نکاح کرنا  حرام ہے۔

لہذا صورت مسئولہ کے مطابق سائل نے پہلی بیوی کی عدت مکمل ہونے سے پہلے پہلے اپنی سالی سے جو نکاح کیا ہے ،یہ نکاح شرعاً منعقد نہیں ہوا ہے۔ لہذااب سائل کو چاہیے کہ آپس کی رضامندی سے گواہوں کی موجودگی میں باقاعدہ ایجاب وقبول کے ساتھ دوبارہ نکاح کرے۔ البتہ اب اس میں عدت گزارنے کی شرط نہیں ہے۔

وإذا طلق امرأته طلاقا بائنا أو رجعيا لم يجز له أن يتزوج بأختها حتى تنقضي عدتها.(الهداية،كتاب النكاح،فصل في بيان المحرمات، ج:1،ص:188)

(و)حرم( الجمع )بين المحارم(نكاحا)أي عقدا صحيحا(وعدة ولو من طلاق بائن و)حرم الجمع(وطأ بملك يمين بين امرأتين أيتهما فرضت ذكرا لم تحل للأخرى).(ردالمحتارعلى الدرالمختار،كتاب النكاح،فصل في المحرمات،ج:3،ص:38)

وإنما كان كذلك؛ لأن العدة في الأصل إنما وجبت تعرفاً لبراءة الرحم، لحاجة الأزواج إلى ‌صيانة ‌مائهم ‌عن ‌الاختلاط.(المحيط البرهاني،كتاب الطلاق،الفصل السادس والعشرون في مسائل العدة بالحيض،ج:3،ص:465)