شریعت مطہرہ میں مرنے والے کے لیے وصیت کرنا صرف جائز نہیں بلکہ مستحسن بھی ہے کہ آدمی اپنی  اخروی زندگی کے لیے کچھ رقم آگے بھیج دے ، لیکن وصیت ما ل کے ایک تہائی سے کم حصہ میں ہونا چاہیے ، اس سے زائد مقدار کی وصیت ورثا کی اجازت کے بغیر نافذ العمل نہیں ہوگی۔نیز جب میت نے اپنی طرف  سے ایک  مخصوص کام/ صدقہ وغیرہ کی وصیت کی ہو ، تو جب  ورثا وہ  کام کریں گے  تب وصیت  پوری ہوگی۔

صورت مسئولہ کے مطابق اگر واقعی اس شخص نے اپنی زندگی میں یہ وصیت کی ہو کہ میرے مرنے کے بعد بیل ذبح کرکے فقراء پر کھلا دے ، تو اس کی وصیت تب پوری ہوگی جب ورثا بیل ذبح کر ے ،البتہ مسجد میں پیسے دینے سے اس کو اجر و ثواب ملتا ہے ۔

ويستحب أن يوصي الإنسان بدون الثلث سواء كانت الورثة أغنياء أو فقراء، كذا في الهداية والأفضل لمن له مال قليل أن لا يوصي إذا كانت له ورثة والأفضل لمن له مال كثير أن لا يتجاوز عن الثلث فيما لا معصية فيه، كذا في خزانة المفتين.(الفتاوى الهندية ،كتاب الوصايا،الباب الأول في تفسير الوصية ،ج:5،ص:90)

الوكيل إنما يستفيد التصرف من الموكل وقد أمره بالدفع إلى فلان فلا يملك الدفع إلى غيره كما لو أوصى لزيد بكذا ‌ليس ‌للوصي الدفع إلى غيره فتأمل.(رد المحتار على الدر المختار،كتاب الزكوة، ج:2،ص:269)