سوال

ڈیجیٹل کرنسی ایک ادائیگی کا طریقہ ہے جو صرف الیکٹرانک شکل میں موجود ہے اور ٹھوس نہیں ہے۔ کمپیوٹر ، موبائل اور انٹر نیٹ جیسی ٹیکنالوجی کی مدد سے اداروں یا صارفین کے مابین ڈیجیٹل کرنسی منتقل کی جاسکتی ہے۔ اگرچہ یہ جسمانی کرنسیوں (کاغذی کرنسی) کی طرح ہے۔ اور ڈیجیٹل کرنسی مُلکی حد بندی (بارڈر) کی پابندیوں سے آزاد ہونے کے ساتھ ساتھ فوری لین دین کی اجازت دیتا ہے۔یعنی اس کا لین دین آن لائن نظام کے ذریعے کیا جاتا ہے۔ یہ کرنسی نہ تو چھاپی جاتی ہے اور نہ ہی جسمانی صورت میں دستیاب ہوتی ہے۔ فقہ ِ اسلامیہ میں "زر" (کرنسی) کی جو تعریفات اور شرائط بیان کی گئی ہیں ان کا ماحصل ذیل میں بیان کیا جا رہا ہے پھر اس کے تناظر میں سوال پیش کیے جائیں گے۔ زر (مال) کی تعریف میں مفتی تقی عثمانی مدظلہ العالیہ لکھتے ہیں کہ: "كل شيء يمكن ادخاره ويحمل قيمة، ويُستعمل كوسيط في التبادل، يُسمّى نَقدًا أو زَرًّا." (الشيخ محمد تقي العثماني – الاقتصاد الإسلامي المعاصر) ہر وہ چیز جو محفوظ کی جا سکے، مالیت رکھتی ہو، اور تبادلہ کے طور پر استعمال ہو سکے، وہ 'زر' کہلاتی ہے۔ کرنسی میں بنیادی شرائط تین ہیں جو کہ یہ ہیں : إن للنقد ثلاث خصائص متى توفرت في مادة ما اعتبرت هذه المادة نقدا.الأولى: أن يكون وسيطا للتبادل.الثانية: أن يكون مقياسا للقيم.الثالثة: أن يكون مستودعا للثروة. "زر" کی تین خصوصیات ہیں جس مادہ میں بھی وہ پائی جائیں گی وہ زر شمار ہوگا 1۔ذریعہ مبادلہ ہو 2۔قیمتوں کا پیمانہ ہو 3۔دولت محفوظ رکھنے کا ذریعہ ہو ۔

 حصہ اول: عمومی سوالات (مال/زر کی تعریف کی روشنی میں) 1. کیا "ڈیجیٹل کرنسی" ان صفات پر پوری اترتی ہے؟ اگر نہیں، تو اس میں کیا کمی پائی جاتی ہے؟ 2. شریعت کے نزدیک اگر کسی شے کا جسمانی وجود نہ ہو تو کیا وہ مال کہلا سکتی ہے؟

حصہ دوم: ڈیجیٹل کرنسی سے متعلق فقہی سوالات 1. ڈیجیٹل کرنسی جیسے بٹ کوائن، ایتھریم وغیرہ کو شریعت میں مال قرار دیا جا سکتا ہے یا نہیں، جبکہ ان کے پیچھے حکومت یا بینک نہیں ہوتا ؟ 2. کیا موجودہ ڈیجیٹل کرنسیاں عرف عام میں قبولیت کی بنیاد پر "ثمنِ عرفی" بن سکتی ہیں؟ 3. کیا ان کرنسیوں سے زکوٰۃ، صدقات، یا تجارت کے دیگر شرعی احکام وابستہ کیے جا سکتے ہیں؟ 4. فقہی اصولوں کے مطابق کرنسی بنانے کا اختیار کس کے پاس ہونا چاہیے؟ اور کیا پرائیویٹ افراد یا نجی ادارہ کو ڈیجیٹل کرنسی جاری کرنے کی اجازت ہے ؟

حصہ سوم: جدید دور کے تقاضے 1. کیا "مصلحتِ زمانی" کے تحت ڈیجیٹل کرنسی جیسے جدید مالیاتی نظام کو قبول کیا جا سکتا ہے؟ 2. بلاک چین ٹیکنالوجی کی شفافیت اور تبدیلی سے تحفظ کا عنصر کیا شرعی معیار پر پورا اترتا ہے؟ 3. کیا اسلامی مالیاتی نظام میں "کرپٹو کرنسی" جیسے ماڈل کو ضم کرنا ممکن ہے؟

جواب

---

---